வடக்கு காஷ்மீரின் பந்திபுரா மாவட்டத்தில் ஹஜின் பகுதியில் பதுங்கி இருந்த பயங்கரவாதிகள், பாதுகாப்பு படையினர் மீது தாக்குதல் நடத்தினர். பாதுகாப்பு படையினரும் பதிலுக்கு துப்பாக்கிச் சூடு தாக்குதல் நடத்தினர்.

ஹஜின் பகுதியில் 8 பயங்கரவாதிகள் பதுங்கி இருப்பதை அறிந்த பாதுகாப்பு படையினர் தேடுதல் வேட்டையில் ஈடுபட்டனர். அப்போது இந்த தாக்குதல் சம்பவம் நடந்துள்ளது. இதில் 2 பயங்கரவாதிகளும் சுட்டுக் கொல்லப்பட்டனர். பயங்கரவாதிகள் சுட்டதில் 2 ராணுவ வீரர்கள் வீரமரணம் அடைந்துள்ளனர். காலை 5 மணி முதல் இந்த தேடுதல் வேட்டை நடந்து வருகிறது.

பதுங்கி இருக்கும் பயங்கரவாதிகளை பாதுகாப்பு படையினர் நெருங்கி விட்டதாகவும், என்கவுன்ட்டர் தொடர்ந்து வருவதாகவும் ராணுவத்தினர் தெரிவித்துள்ளனர். இரு தரப்பினரிடையே துப்பாக்கிச் சூடு தாக்குதலும் நடந்து வருகிறது.