Latest News
மக்களுக்கு தேவையான அளவு தண்ணீர் லாரிகள் மூலம் வினியோகம் எடப்பாடி பழனிசாமி பேட்டிதிமுக பொருளாளர் துரைமுருகன் சென்னை அப்பலோ மருத்துவமனையில் அனுமதிகுடிநீருக்காக கண்ணீர் சிந்தும் சென்னைவாசிகள் தண்ணீர் பற்றாக்குறையால் தங்கும் விடுதிகள் மூடல்தண்ணீர் பற்றாக்குறையால் சென்னை ராஜீவ்காந்தி அரசு ஆஸ்பத்திரியில் கழிப்பறைகள் மூடல் நோயாளிகள் அவதிகாங்கிரஸ் தலைவர் ராகுல் காந்திக்கு பிரதமர் மோடி பிறந்த நாள் வாழ்த்துஉத்தர பிரதேசத்தில் சாலை விபத்து: 8 பேர் பலி, 11 பேர் காயம்அயோத்தி தாக்குதல் வழக்கில் 4 பேருக்கு ஆயுள் தண்டனைதடை செய்யப்பட்ட பிளாஸ்டிக் பொருட்களை பயன்படுத்தினால்இன்று முதல் அபராதம் விதிக்கப்படும்ரூ.100 முதல் ரூ.5 லட்சம் வரை வசூலிக்க தமிழக அரசு நடவடிக்கைமேற்கு வங்காளத்தில் போராடும் மருத்துவர்களுக்கு ஆதரவாக நாடு முழுவதும் டாக்டர்கள் வேலைநிறுத்தம்கடும் வெப்பம், அனல் காற்றினால் உயிரிழந்தோர் எண்ணிக்கை 61 ஆக உயர்வு

இந்திய டெஸ்ட் தொடருக்கான இலங்கை அணி அறிவிப்பு

0

இலங்கை கிரிக்கெட் அணி இந்தியாவில் சுற்றுப்பயணம் மேற்கொண்டு 3 டெஸ்ட, 3 ஒரு நாள் போட்டி மற்றும் மூன்று 20 ஓவர் போட்டிகளில் பங்கேற்கிறது. இதற்காக அந்த அணி இந்தியாவுக்கு நாளை மறுதினம் புறப்படுகிறது. முதலாவது டெஸ்ட் போட்டி கொல்கத்தா ஈடன்கார்டனில் வருகிற 16-ந்தேதி தொடங்குகிறது.

இந்திய டெஸ்ட் தொடருக்கான 15 பேர் கொண்ட இலங்கை அணி நேற்று அறிவிக்கப்பட்டது. சமீபத்திய போட்டிகளில் சரியாக ஆடாத பேட்ஸ்மேன்கள் கவ்ஷல் சில்வா, குசல் மென்டிஸ், வேகப்பந்து வீச்சாளர் நுவான் பிரதீப் நீக்கப்பட்டனர். எதிர்பார்த்தபடியே, காயத்தில் இருந்து குணமடைந்து விட்ட ஆல்-ரவுண்டர் மேத்யூஸ் அணிக்கு திரும்புகிறார்.

இலங்கை அணி வருமாறு:- தினேஷ் சன்டிமால் (கேப்டன்), கருணாரத்னே, தனஞ்ஜெயா டி சில்வா, சதீரா சமரவிக்ரமா, மேத்யூஸ், திரிமன்னே, ரங்கனா ஹெராத், சுரங்கா லக்மல், தில்ருவான் பெரேரா, லாஹிரு காமகே, லக்‌ஷன் சன்டகன், விஷ்வா பெர்னாண்டோ, தசுன் ஷனகா, நிரோஷன் டிக்வெல்லா, ரோஷன் சில்வா.

இலங்கை அணி இந்திய மண்ணில் எந்த ஒரு டெஸ்ட் போட்டியிலும் ஒரு போதும் வெற்றி பெற்றது கிடையாது. இந்தியாவில் அந்த அணி இதுவரை விளையாடியுள்ள 17 டெஸ்டுகளில் 10-ல் தோல்வியும், 7-ல் டிராவும் கண்டுள்ளது.

இது தொடர்பாக இலங்கை சுழற்பந்து வீச்சாளர் 39 வயதான ஹெராத் கூறும் போது, ‘இந்திய மண்ணில் டெஸ்ட் போட்டியில் வெற்றி பெற வேண்டும் என்பது எனது கனவுகளில் ஒன்று. கடந்த மாதம் ஐக்கிய அரபு அமீரகத்தில் நடந்த பாகிஸ்தானுக்கு எதிரான டெஸ்ட் தொடரை கைப்பற்றினோம். அந்த வெற்றி எங்களுக்கு மிகுந்த நம்பிக்கையை அளித்துள்ளது. பாகிஸ்தானுக்கு எதிராக எப்படி முழு உத்வேகத்துடன் போராடினோமோ அதே போன்று இங்கும் செயல்பட்டால் இந்திய மண்ணிலும் எங்களால் வெற்றி பெற முடியும்.
சில மாதங்களுக்கு முன்பு இந்திய அணி, இலங்கைக்கு வந்து டெஸ்ட தொடரை 3-0 என்ற கணக்கில் வென்றது. அந்த தொடரில் என்னால் விக்கெட்டுகளை வீழ்த்த முடியவில்லை.

ஒட்டுமொத்த அணியே தடுமாறியது. அவர்களின் வலுவான பார்ட்னர்ஷிப்பை உடைக்க இயலவில்லை. இதனால் 600 ரன்களுக்கு மேல் எளிதாக குவித்தனர். எனவே இந்த முறை 20 விக்கெட்டுகளை வீழ்த்துவதற்கு என்ன செய்ய வேண்டும் என்பதை சரியாக திட்டமிடுவது அவசியமாகும்’ என்றார்.

About Author

Leave A Reply

முக்கிய குறிப்பு: வேர்ல்ட் பப்ளிக் நியூஸ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு வேர்ல்ட் பப்ளிக் நியூஸ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு editor@worldpublicnews.com என்ற இந்த இமெயில் முகவரிக்கு தொடர்பு கொள்ளவும்.