Latest News
‘ஹூவாய் நிறுவன அதிகாரியை விடுவிக்காவிட்டால், கடும் விளைவுகளை சந்திக்க நேரிடும்’ - கனடாவுக்கு சீனா பகிரங்க எச்சரிக்கைமுதல் முறையாக ரஷிய அதிபர் புதின் மகள் டி.வி.யில் தோன்றினார்பிரதமர் அலுவலகத்தின் மக்கள் தொடர்பு துறை அதிகாரி மறைவு; பிரதமர் மோடி இரங்கல்ரூ.9 ஆயிரம் கோடி கடன் மோசடி வழக்கு: விஜய் மல்லையா இந்தியாவுக்கு நாடு கடத்தப்படுவாரா? - லண்டன் கோர்ட்டு இன்று தீர்ப்புபொது நிகழ்ச்சியில் கலந்து கொண்ட மத்திய மந்திரியின் கன்னத்தில் அறைந்த வாலிபர் - மராட்டியத்தில் பரபரப்புஉத்தர பிரதேசத்தில் பனி மூட்டம்: அடுத்தடுத்து வாகனங்கள் மோதல் - 4 பேர் பலிபாகிஸ்தான் எதிர்க்கட்சி தலைவர் ஷாபாஸ் ஷெரீப் சிறையில் அடைப்புகடற்கரை பகுதியில் இருந்த நிரவ் மோடி பங்களா இடிப்புஇன்ஸ்டாகிராம் பக்கத்தில் பிரபலமாக விளங்கும் உலக தலைவர்கள் பட்டியலில் மோடிக்கு முதலிடம்நாக்பூரில் இணையதள விளையாட்டு; 17 வயது சிறுமி தற்கொலை

பிரிஸ்பேன் டென்னிஸ்: ஸ்பெயின் வீராங்கனை முகுருஜா காயத்தால் விலகல்

0

பிரிஸ்பேன் சர்வதேச டென்னிஸ் போட்டியில் 2–வது சுற்று ஆட்டத்தில் ஸ்பெயின் வீராங்கனை முகுருஜா காயத்தால் விலகினார்.

பிரிஸ்பேன் டென்னிஸ்
பிரிஸ்பேன் சர்வதேச டென்னிஸ் போட்டி ஆஸ்திரேலியாவில் நடைபெற்று வருகிறது.

இதில் பெண்கள் ஒற்றையர் பிரிவில் நேற்று நடந்த 2–வது சுற்று ஆட்டம் ஒன்றில் விம்பிள்டன் சாம்பியனும், உலக தரவரிசையில் 2–வது இடத்தில் இருப்பவருமான ஸ்பெயின் வீராங்கனை கார்பின் முகுருஜா, 53–ம் நிலை வீராங்கனை அலெக்சாண்ட்ரா குருனிச்சை (செர்பியா) சந்தித்தார்.

காயத்தால் முகுருஜா விலகல்
விறுவிறுப்பான இந்த ஆட்டத்தில் முகுருஜா முதல் செட்டை 7–5 என்ற கணக்கில் தனதாக்கினார். அடுத்த செட்டில் அதிக வெப்பத்தை தாங்க முடியாமல் முகுருஜா திணறினார். அந்த செட்டை அவர் 6–7 (3–7) என்ற கணக்கில் குருனிச்சிடம் பறிகொடுத்தார். 2–வது செட் ஆட்டம் முடிந்ததும் ஆடுகளபகுதியில் பிசியோதெரோபிஸ்சிடம் சிகிச்சை பெற்று முகுருஜா களம் திரும்பினார்.

வெற்றி யாருக்கு என்பதை நிர்ணயிக்கும் கடைசி செட்டில் முகுருஜா 2–1 என்ற கணக்கில் முன்னிலையில் இருந்த போது மீண்டும் தசைப்பிடிப்பால் பாதிக்கப்பட்ட அவர் ஆட்டத்தில் இருந்து விலகினார். இதனால் அலெக்சாண்ட்ரா குருனிச் வெற்றி பெற்றதாக அறிவிக்கப்பட்டு கால்இறுதிக்கு முன்னேறினார்.

அதிக வெப்பம் காரணமா?
இந்த ஆண்டின் முதல் கிராண்ட்ஸ்லாம் போட்டியான ஆஸ்திரேலிய ஓபன் டென்னிஸ் வருகிற 15–ந் தேதி தொடங்க இருக்கும் நிலையில் முகுருஜா காயம் அடைந்துள்ளார். அத்துடன் உலகின் நம்பர் ஒன் இடத்தை சிமோனா ஹாலெப்பிடம் (ருமேனியா) இருந்து கைப்பற்றும் வாய்ப்பையும் முகுருஜா காயத்தால் நழுவவிட்டார்.

போட்டியில் இருந்து வெளியேறிய முகுருஜா அளித்த பேட்டியில், ‘2–வது செட்டில் நான் 2–0 என்ற கணக்கில் முன்னிலையில் இருந்த போதே காயம் பிரச்சினை தொடங்கி விட்டது. ஆட்டம் போக, போக இரு கால்களின் பின்பகுதிகளில் வலி அதிகரிக்க ஆரம்பித்தது. இதனால் ஆட்டத்தில் இருந்து விலக நேர்ந்தது. தசைப்பிடிப்பு எனக்கு ஏற்படுவது அரிதான வி‌ஷயமாகும். அதிக வெப்பம் தான் இதற்கு காரணமாக இருக்கலாம் என்று நினைக்கிறேன்’ என்று தெரிவித்தார்.

லாத்வியா வீராங்கனையுடன் மோதல்
மற்றொரு ஆட்டத்தில் லாத்வியா வீராங்கனை அனாஸ்டாஜியா செவஸ்டோவா 6–2, 6–1 என்ற நேர்செட்டில் ருமேனியா வீராங்கனை சோரானா சிர்ஸ்டாவை தோற்கடித்து கால்இறுதிக்குள் நுழைந்தார். கால்இறுதி ஆட்டத்தில் அனாஸ்டாஜியா செவஸ்டோவா, அலெக்சாண்ட்ரா குருனிச்சை எதிர்கொள்கிறார்.

இன்னொரு ஆட்டத்தில் கடந்த ஆண்டு 2–வது இடம் பிடித்த அலிஸ் கொர்னெட் (பிரான்ஸ்) 6–1, 7–5 என்ற நேர்செட்டில் குரோஷியா வீராங்கனை மிர்ஜனா லூசிச் பரோனியை சாய்த்து கால்இறுதிக்கு தகுதி பெற்றார்.

மில்லர் அதிர்ச்சி தோல்வி
ஆண்கள் ஒற்றையர் பிரிவில் முதல் சுற்று ஆட்டத்தில் 21 வயதான தென்கொரியாவின் ஷூங் ஹயோன் 6–3, 7–6 (7–1) என்ற நேர்செட்டில் ஜிலெச் முல்லருக்கு (லக்சம்பர்க்) அதிர்ச்சி அளித்து 2–வது சுற்றுக்கு முன்னேறினார். மற்றொரு ஆட்டத்தில் தகுதி சுற்று வீரர் மிச்செல் மோக் (அமெரிக்கா) 6–3, 6–4 என்ற நேர்செட்டில் பெடேரிகோ டெல்போனிஸ்சை (அர்ஜென்டினா) சாய்த்து 2–வது சுற்றுக்குள் நுழைந்தார்.

About Author

Leave A Reply

முக்கிய குறிப்பு: வேர்ல்ட் பப்ளிக் நியூஸ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு வேர்ல்ட் பப்ளிக் நியூஸ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு editor@worldpublicnews.com என்ற இந்த இமெயில் முகவரிக்கு தொடர்பு கொள்ளவும்.