Latest News
தெற்கு வங்க கடலில் மீண்டும் ஒரு குறைந்த காற்றழுத்த தாழ்வு பகுதி நாளை உருவாகிறது- வானிலை மையம்கோரத்தாண்டவம் ஆடியபடி கரையை கடந்தது ‘கஜா’ புயலுக்கு 49 பேர் பலி‘புயலால் பாதிக்கப்பட்ட பகுதிகளுக்கு நான் விரைவில் போக இருக்கிறேன்’ எடப்பாடி பழனிசாமி பேட்டிஆந்திராவில் சிபிஐயை தடைசெய்தது சந்திரபாபு நாயுடு அரசு!கஜா புயல் இப்போது எங்கு உள்ளது? சேத விவரங்கள்கஜா புயலால் நாகை, திருவாரூர், புதுக்கோட்டை மாவட்டங்களில் கடும் பாதிப்புகஜா புயல் காற்றழுத்த தாழ்வு மண்டலமாக வலுவிழக்கும் - வானிலை ஆய்வு மையம்நாகை மாவட்டத்தில் மின் விநியோகம் முழுமையாக சீராக 2 நாட்கள் ஆகும் : மின் வாரிய அதிகாரிகள் தகவல்கஜா புயலால் இதுவரை 8 பேர் உயிரிழப்புகொங்கனி பாரம்பரிய முறையில் ரன்வீர் - தீபிகா திருமணம்

கலெக்டர்கள் மாநாடு துவங்கியது

0

நான்கு ஆண்டு இடைவெளிக்கு பின், மாவட்ட கலெக்டர்கள் மற்றும் காவல்துறை அதிகாரிகள் மாநாடு, சென்னையில், இன்று துவங்கியது. இதில், வளர்ச்சி திட்டங்கள், சட்டம் – ஒழுங்கு நிலவரங்கள் குறித்து ஆலோசிக்கப்பட உள்ளது.

தமிழக அரசு சார்பில், ஒவ்வொரு ஆண்டின் இறுதியிலும், முதல்வர் தலைமையில், கலெக்டர்கள் மற்றும் காவல்துறை அதிகாரிகளின் மாநாடு நடைபெறும்.

பட்டியலிடுவர்

மாவட்ட வாரியாக என்னென்ன திட்டங்கள் தேவை; எந்தெந்த பகுதிகளில் முன்னேற்றம் தேவை என, கலெக்டர்கள் பட்டியலிடுவர்.

சட்டம் – ஒழுங்கு நிலை, ஜாதி, மதம் மற்றும் அரசியல் ரீதியாக, தங்கள் மாவட்டங்களில் உள்ள பிரச்னைகள் என்ன என்பதை, காவல்துறை அதிகாரிகள் தெரிவிப்பர். இவற்றை, தலைமை செயலர் மற்றும் துறை செயலர்கள் தொகுத்து, முதல்வரிடம் தெரிவிப்பர்.மாவட்ட வாரியாக எடுக்கப்பட்ட முடிவுகள் மற்றும் மாநில அரசின் புதிய திட்டங்களை, மாநாட்டின் மூன்றாவது நாளில், முதல்வர் அறிவிப்பார்.
மேலும், சிறப்பாக செயல்பட்ட கலெக்டர்கள் மற்றும் காவல் துறை அதிகாரிகளுக்கு, பாராட்டு சான்றிதழும், கேடயமும் வழங்கப்படும்.ஆனால், கலெக்டர்கள் மாநாடு, 2013க்குபின் நடக்கவில்லை. 2014ல், முதல்வர் பதவியை ஜெ., இழந்ததால், பன்னீர்செல்வம் முதல்வரானார்.
கலெக்டர்கள் மாநாட்டை நடத்த, அவர் நடவடிக்கை எடுக்கவில்லை. அடுத்தடுத்த ஆண்டுகளிலும், மாநாடு நடத்தப்படவில்லை.

அனுமதி

இந்நிலையில், மாவட்ட கலெக்டர்கள் மற்றும் காவல் துறை அதிகாரிகள் மாநாட்டை நடத்த, முதல்வர் பழனிசாமி அனுமதி அளித்துள்ளார். அதன்படி, கலெக்டர்கள் மற்றும் காவல்துறை அதிகாரிகளின் மூன்று நாள் மாநாடு, இன்று துவங்குகிறது.முதல் நாளான இன்று, கலெக்டர்கள் மற்றும் காவல் துறை அதிகாரிகளின் ஒருங்கிணைந்த கூட்டமும்; நாளை மாவட்ட கலெக்டர்கள் மட்டும், பங்கேற்கும் கூட்டமும், நாளை மறுநாள் காவல் துறை அதிகாரிகள் கூட்டமும் நடைபெற உள்ளது. மாநாடு முடிந்த பின், புதிய அறிவிப்புகளை, முதல்வர், பழனிசாமி வெளியிடுவார் என, எதிர்பார்க்கப்படுகிறது.

About Author

Leave A Reply

முக்கிய குறிப்பு: வேர்ல்ட் பப்ளிக் நியூஸ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு வேர்ல்ட் பப்ளிக் நியூஸ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு editor@worldpublicnews.com என்ற இந்த இமெயில் முகவரிக்கு தொடர்பு கொள்ளவும்.