Latest News
விவசாய நிலங்களில் எரிவாயு குழாய்களை அமைக்க கூடாதுஅரசியல் கட்சி தலைவர்கள் வலியுறுத்தல்அ.தி.மு.க. ஆட்சி முடிவுக்கு வந்த அடுத்த நாள்“ரஜினிகாந்த் தனது அரசியல் கட்சியை தொடங்குவார்”தமிழருவி மணியன் பேட்டி4 சட்டமன்ற தொகுதி மக்கள் பயன் அடையதமிழக அரசின் சாதனைகள் என்னென்ன?ஓ.பன்னீர்செல்வம், எடப்பாடி பழனிசாமி பட்டியல்ஒட்டப்பிடாரம் சட்டமன்ற இடைத்தேர்தல்: 1 மணி நேரம் வாக்கு இயந்திரம் பழுது, சரிபார்க்கப்பட்ட பிறகு மீண்டும் வாக்குப்பதிவுபயங்கரவாத இயக்கத்துடன் நேரடி தொடர்பு: இலங்கை பள்ளி முதல்வர், ஆசிரியர் கைதுஆப்கானிஸ்தானில் பயங்கரம்: மோட்டார் சைக்கிள் குண்டு வெடித்து 5 குழந்தைகள் பலிடயானா மரணம்: மவுனம் கலைத்தார் இளவரசர் வில்லியம்இறுதிக்கட்ட வாக்குப்பதிவு நடைபெறும் சூழலில் ராகுல்காந்தி மற்றும் சரத்பவாருடன் சந்திரபாபு நாயுடு சந்திப்புநாடாளுமன்ற தேர்தலில் இன்று இறுதிக்கட்ட வாக்குப்பதிவு7-வது இறுதிக்கட்ட தேர்தல்: 59 தொகுதிகளில் ஓட்டுப்பதிவு நடைபெற்று வருகிறது தமிழகத்தில் 4 சட்டசபை தொகுதிகளிலும் விறு விறு வாக்குப்பதிவு

சிங்கப்பூர் சென்றார் பிரதமர் மோடி

0

பிரதமர் நரேந்திர மோடி இந்தோனேசியா, மலேசியா, சிங்கப்பூர் ஆகிய நாடுகளுக்கு 5 நாள் பயணமாக கடந்த மாதம் 29-ந் தேதி புறப்பட்டார். முதலில் இந்தோனேசியா அதிபர் ஜோகோ விடோடோவை சந்தித்து பேசினார். அப்போது இரு தரப்பினரிடையே ஒப்பந்தங்கள் கையெழுத்து ஆனது.

அதை தொடர்ந்து பிரதமர் மோடி சிங்கப்பூர் புறப்பட்டார். அங்கு செல்லும் வழியில் மலேசியாவில் சிறிது நேரம் அவர் ஓய்வு எடுத்தார். அவரை மலேசிய துணை பிரதமர் டாக்டர் வான் அஜிஜா வரவேற்றார். பின்னர் சிங்கப்பூர் பிரதமர் மகாதீர் முகமதுவை, மோடி சந்தித்தார். இந்த சந்திப்பின் போது 92 வயதான மகாதீர் முகமது பிரதமராக பதவி ஏற்றதற்கு, மோடி வாழ்த்து தெரிவித்தார். இருநாட்டு தலைவர்களும் ராஜ்ஜிய ரீதியிலான ஒத்துழைப்பு வலுப்படுத்துவது குறித்து பேசினர். பிரதமர் பதவி ஏற்ற பிறகு மகாதீர் முகமதுவை சந்திக்கும் முதல் தலைவர் மோடி என்பது குறிப்பிடத்தக்கது.

இதையடுத்து பிரதமர் மோடி சிங்கப்பூர் சென்றார். அங்கு அவருக்கு உற்சாக வரவேற்பு அளிக்கப்பட்டது. பின்னர் அவர் சிங்கப்பூர் பிரதமர் லீ சியன் லூங் உடன் வர்த்தக கருத்தரங்கில் கலந்துகொண்டார்.

உலக நாடுகள் டிஜிட்டல் மயமாக மாறி வருவதை கருத்தில் கொண்டு, செல்போனில் பணபரிமாற்றம் செய்வதற்கான பி.எச்.ஐ.எம்., யு.பி.ஐ. (ரூபே கார்டு), எஸ்.பி.ஐ. ஆகிய இந்திய செயலிகளை சிங்கப்பூரில் பிரதமர் மோடி அறிமுகப்படுத்தினார். சிங்கப்பூரின் என்.இ.டி.எஸ். என்ற மின்னணு அமைப்புடன் ரூபே கிரெடிட், டெபிட் கார்டுகள் இணைப்பு ஏற்படுத்தப்பட்டது. தற்போது அறிமுகப்படுத்தப்பட்ட இந்த செயலிகள் மூலம் சிங்கப்பூரில் வாழும் இந்தியர்கள் தங்கள் நாட்டில் உள்ள குடும்பத்துக்கு பணபரிமாற்றம் செய்ய எளிதாக இருக்கும் என அதிகாரிகள் தெரிவித்தனர்.

இதை தொடர்ந்து சிங்கப்பூர் வர்த்தக மையத்துக்கு பிரதமர் மோடி சென்றார். அங்கு அவர் தொழில்நுட்ப கண்காட்சியை பார்வையிட்டார். பின்னர் அவர் தொழில் முனைவோருடன் கலந்துரையாடல் நடத்தினார். இதற்கான ஏற்பாடுகளை இந்திய, சிங்கப்பூர் நிறுவனங்கள் இணைந்து செய்து இருந்தன.

அப்போது பிரதமர் மோடி பேசுகையில், இந்தியா-சிங்கப்பூர் இடையே நெருங்கிய நட்பு உள்ளது. இரு நாடுகளும் எதிர்காலத்திலும் இணைந்து செயல்படும். இந்தியாவின் கவனம் தற்போது கிழக்கு ஆசிய நாடுகளின் பக்கம் திரும்பி உள்ளது. இதற்கு சிங்கப்பூர் இணைப்பு பாலமாக திகழ்கிறது. இந்திய பொருளாதாரம் தற்போது வேகமாக வளர்ச்சி அடைந்து வருகிறது என்றார்.

பிரதமர் மோடி நேற்று சிங்கப்பூர் சென்றாலும் அவருக்கு அரசு முறை வரவேற்பு இன்று (வெள்ளிக்கிழமை) அளிக்கப்படுகிறது. இன்று அவர் சிங்கப்பூர் அதிபர் ஹலிமா யாகூப், பிரதமர் லீ சியன் லூங் ஆகியோரை சந்தித்து இரு நாடுகளுக்கும் இடையே இருக்கும் நட்பை பலப்படுத்துவற்கான பேச்சுவார்த்தையை நடத்த உள்ளார். மேலும் மோடிக்கு மதிய விருந்தை அந்நாட்டு பிரதமர் இன்று அளிக்கிறார்.

பின்னர் பிரதமர் மோடி, ‘ஷாங்கரி லா’ உரையாடலில் பங்கேற்று பேச உள்ளார். அப்போது, இந்திய- பசிபிக் பிராந்தியத்தில் அமைதி மற்றும் பாதுகாப்பு குறித்து இந்தியாவின் கொள்கை மற்றும் நிலை குறித்து எடுத்துரைப்பார் என்றும், குறிப்பாக அவருடைய பேச்சில் ‘சாகர்மாலா’ திட்டம் முதன்மையாக இருக்கும் என்றும் இந்திய வெளியுறவு துறை அதிகாரிகள் தெரிவித்தனர். இதில் பேச இருக்கும் முதல் இந்திய பிரதமர் மோடி என்பது குறிப்பிடத்தக்கது.

About Author

Leave A Reply

முக்கிய குறிப்பு: வேர்ல்ட் பப்ளிக் நியூஸ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு வேர்ல்ட் பப்ளிக் நியூஸ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு editor@worldpublicnews.com என்ற இந்த இமெயில் முகவரிக்கு தொடர்பு கொள்ளவும்.