Latest News
சென்னையில் இன்று பெட்ரோல் விலை 18 காசுகள் உயர்வு, டீசல் விலையும் உயர்ந்ததுநிலக்கரி தட்டுப்பாடு எதிரொலி: தமிழகத்தில் மின்தடையை போக்க கைகொடுக்கும் காற்றாலைகள்எழும்பூர் நீதிமன்ற நீதிபதி வீட்டில் ஆஜர்படுத்தப்படுகிறார் எம்.எல்.ஏ. கருணாஸ்ஆயுஷ்மான் பாரத் திட்டத்தை இன்று துவக்கி வைக்கிறார் பிரதமர் மோடிரபேல் விமான பேரம் : ரிலையன்ஸ் நிறுவனம் கூட்டாளியாக தேர்வு - மத்திய அரசு விளக்கம்பாகிஸ்தானுக்கு பதிலடி கொடுக்க வேண்டும் - ராணுவ தளபதிநாங்கள் ஆளைக் கொல்லும் புலிகள் அல்ல : சுப்ரீம் கோர்ட்டு கருத்துசென்னையில் இன்று பெட்ரோல் விலை 11 காசுகள் உயர்வு, டீசல் விலையில் மாற்றமில்லைதமிழகத்தில் 2 நாட்களுக்கு கனமழை பெய்ய வாய்ப்பு வானிலை ஆய்வு மையம் தகவல்விஞ்ஞான ரீதியாக ஊழல் செய்தவர்கள் திமுகவினர் தமிழிசை சவுந்திரராஜன் குற்றச்சாட்டு

சுவீடன் அணியிடம் பணிந்தது தென்கொரியா

0

21-வது உலக கோப்பை கால்பந்து போட்டி ரஷியாவில் நடந்து வருகிறது. இதில் பங்கேற்றுள்ள 32 அணிகள் 8 பிரிவாக பிரிக்கப்பட்டு லீக்கில் மோதி வருகின்றன. லீக் முடிவில் ஒவ்வொரு பிரிவிலும் முதல் 2 இடங்களை பிடிக்கும் அணிகள் 2-வது சுற்றுக்கு (ரவுண்ட் 16) முன்னேறும்.

இந்த போட்டி தொடரில் நிஸ்னி நவ்கோரோட் நகரில் நேற்று நடந்த 12-வது லீக் ஆட்டத்தில் சுவீடன்-தென் கொரியா (எப் பிரிவு) அணிகள் மோதின.

விறுவிறுப்பான இந்த ஆட்டத்தில் தொடக்கத்தில் சுவீடன் அணி ஆதிக்கம் செலுத்தியது. அந்த அணியினர் எதிரணி கோல் எல்லையை நோக்கி அடிக்கடி முற்றுகையிட்டாலும், எதிரணியின் தடுப்பு ஆட்டத்தை தகர்க்க போராட வேண்டி இருந்தது. 21-வது நிமிடத்தில் சுவீடன் அணி வீரர் மார்கஸ் பெர்க் கோலை நோக்கி அடித்த பந்து தென்கொரியா அணியின் கோல் கீப்பர் ஷோ ஹூயுன் வோவின் முழங்காலில் பட்டு மயிரிழையில் வெளியேறியது. முதல் பாதியில் இரு அணிகளும் கோல் எதுவும் அடிக்கவில்லை.

பின் பாதியிலும் இரு அணிகளும் கோல் அடிக்க அதிக தீவிரம் காட்டின. 65-வது நிமிடத்தில் சுவீடன் அணி வீரர் விக்டர் கிளாசெனை, தென்கொரியா வீரர் கிம் மின், கோல் எல்லை பகுதியில் வைத்து விதிமுறைக்கு மாறாக தடுத்தார். இதனை வீடியோ உதவி நடுவர் தொழில்நுட்ப வசதியுடன் ஆய்வு செய்த போட்டி நடுவர் சுவீடன் அணிக்கு பெனால்டி வாய்ப்பு வழங்கினார்.

இந்த பெனால்டி வாய்ப்பை பயன்படுத்தி சுவீடன் அணி கேப்டன் ஆந்த்ரே கிரான்விஸ்ட் அருமையாக கோல் அடித்தார். இந்த பந்தை தென்கொரியா அணியின் கோல் கீப்பர் தடுக்க எடுத்த முயற்சிக்கு எந்தவித பலனும் கிட்டவில்லை. அதன் பிறகு இரு அணிகளும் கோல் அடிக்க முனைப்பு காட்டினாலும், கோல் எதுவும் விழவில்லை. முடிவில் சுவீடன் அணி 1-0 என்ற கோல் கணக்கில் தென் கொரியாவை வீழ்த்தி முதல் வெற்றியை பதிவு செய்தது. 1958-ம் ஆண்டுக்கு பிறகு உலக கோப்பை போட்டியில் தனது தொடக்க ஆட்டத்தில் சுவீடன் அணி பெற்ற முதல் வெற்றி இதுவாகும்.

About Author

Leave A Reply

முக்கிய குறிப்பு: வேர்ல்ட் பப்ளிக் நியூஸ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு வேர்ல்ட் பப்ளிக் நியூஸ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு editor@worldpublicnews.com என்ற இந்த இமெயில் முகவரிக்கு தொடர்பு கொள்ளவும்.