Latest News
தெற்கு வங்க கடலில் மீண்டும் ஒரு குறைந்த காற்றழுத்த தாழ்வு பகுதி நாளை உருவாகிறது- வானிலை மையம்கோரத்தாண்டவம் ஆடியபடி கரையை கடந்தது ‘கஜா’ புயலுக்கு 49 பேர் பலி‘புயலால் பாதிக்கப்பட்ட பகுதிகளுக்கு நான் விரைவில் போக இருக்கிறேன்’ எடப்பாடி பழனிசாமி பேட்டிஆந்திராவில் சிபிஐயை தடைசெய்தது சந்திரபாபு நாயுடு அரசு!கஜா புயல் இப்போது எங்கு உள்ளது? சேத விவரங்கள்கஜா புயலால் நாகை, திருவாரூர், புதுக்கோட்டை மாவட்டங்களில் கடும் பாதிப்புகஜா புயல் காற்றழுத்த தாழ்வு மண்டலமாக வலுவிழக்கும் - வானிலை ஆய்வு மையம்நாகை மாவட்டத்தில் மின் விநியோகம் முழுமையாக சீராக 2 நாட்கள் ஆகும் : மின் வாரிய அதிகாரிகள் தகவல்கஜா புயலால் இதுவரை 8 பேர் உயிரிழப்புகொங்கனி பாரம்பரிய முறையில் ரன்வீர் - தீபிகா திருமணம்

வசூலில் ரஜினியை மிஞ்சிய விஜய்: அரசியலுக்கு வருவாரா?

0

தமிழகம் மட்டுமின்றி தென்னிந்தியாவில் வளர்ந்து வரும் நடிகர்களில் முன்னணியில் இருக்கும் விஜய், பாக்ஸ் ஆபீசிலும் மற்ற நடிகர்களை தெறிக்க விட்டு வருகிறார்.
தமிழகத்தில் இதுவரை வெளியான படங்களில் ஒரு நாள் வசூல் என்று பார்க்கும்போது கபாலி தான் முன்னணியில் இருந்தது. தமிழகம் முழுவதும் முதல் நாளில் கபாலி ரூ. 21.5 கோடி வசூல் செய்து இருந்தது. காலா படம் முதல் நாளில் ரூ. 15 கோடி வசூல் செய்து இருந்தது. இதுவே ”பாகுபலி 2” முதல் நாளில் ரூ. 19 கோடி வசூல் செய்து இருந்தது. மெர்சல் படம் முதல் நாளில் தமிழகம் முழுவதும் ரூ. 24.8 கோடி வசூல் செய்து இருந்தது. கடந்த காலங்களில் ரஜினியின் பட வசூலுடன் விஜய்யின் பட வசூலை ஒப்பிடும்போது, சர்கார் படம் தற்போது வசூல் ராஜாவாக உள்ளது. இது ”சர்கார் ராஜா”வாக அவரை மாற்றுமா என்பது மில்லியன் டாலர் கேள்வி.
இதன் மூலம் விஜய்யின் மார்க்கெட் ரேட்டும் அதிகரித்துள்ளது. தமிழகத்தில் அரசியல் தலைவருக்கான வெற்றிடம் ஏற்பட்டு இருக்கும் நிலையில், நடிகர் கமல் ஹாசன் அரசியல் கட்சி துவக்கி அதற்கான பணிகளில் ஈடுபட்டு வருகிறார். ”அரசியலுக்கு வந்துவிட்டேன். தேர்தலில் போட்டியிடுவேன்” என்று ரஜினிகாந்த் அறிவித்து இருந்தார். ஆனால், எப்போது கட்சி துவக்கம் போன்ற விவரங்கள் வெளியாகவில்லை.
அரசியலுக்கு வர விஜய்க்கு ஆதரவு:
இந்த நிலையில்தான் நடிகர் விஜய் கண்டிப்பாக அரசியலுக்கு வரவேண்டும் என்று அவரது ரசிகர்கள் குரல் கொடுத்து வருகின்றனர். அவருக்கு ஆதரவானவர்களும் ஏன் அவர் அரசியலுக்கு வரக் கூடாது என்ற கேள்வியை எழுப்பி வருகின்றனர். விஜய்யின் தந்தையும் கண்டிப்பாக விஜய் அரசியலுக்கு வருவார் என்று கூறி வருகிறார்.

திரைப்படம் பொழுதுபோக்கிற்கானது:
திரைப்படம் என்பது பொழுதுபோக்கிற்காக என்று இருந்தது. இன்று அரசியல் கண்ணோட்டத்துடன் பார்க்கத் துவங்கி விட்டனர். அதுவும் ரஜினிகாந்த்துக்குப் பின்னர் பஞ்ச் டயலாக் மற்றும் அரசியல் வசனங்கள் பேசுபவர் விஜய் என்ற முத்திரை குத்தப்பட்டு அந்த கண்ணோட்டத்திலேயே அவரை பார்க்குமாறு ஆகிவிட்டது.

மெர்சல் பீவர்:
மெர்சல் படத்தில் டாக்டராக விஜய் நடித்து சமூகத்திற்கு தேவையான வசனங்கள் பேசி இருப்பார். அந்தப் படத்தில் அவர் பேசி இருந்த ஜிஎஸ்டி தொடர்பான வசனங்களுக்கு கடுமையான எதிர்ப்பு கிளம்பியது. சர்கார் படத்தில் நிர்வாகியாக வருகிறார். இந்தப் படத்திலும் சர்ச்சைக்குரிய காட்சிகளை நீக்க வேண்டும் என்று தமிழக தகவல் தொடர்புத்துறை அமைச்சர் கடம்பூர் ராஜூ தற்போது கொளுத்திப் போட்டுள்ளார். மெர்சல் படம்தான் அரசியலுக்கு விஜய் வரவேண்டும் என்ற எதிர்பார்ப்பை அதிகரிக்கச் செய்தது.

லாஜிக் வேண்டும்:
படத்தை படமாக பார்க்க வேண்டும். சமுதாயத்தில் இருக்கும் குறைகளை படத்தின் மூலம் கூறுவதில் தவறு ஒன்றும் இல்லை. அதை எதிர்கொள்ளும் சக்தி அரசியல்வாதிகளிடம் இருக்க வேண்டும். ஆனால், படத்தில் கூறப்படும் கருத்துக்களும் லாஜிக்குடன் இருக்கிறதா என்று பார்க்க வேண்டும். எந்த லாஜிக்கும் இல்லாமல் எடுத்தால், அது நகைச் சுவைக்கு தள்ளப்படும். அதுபோன்ற சில காட்சிகள் சர்காரில் இடம் பெற்றுள்ளது.

தமிழ் திரையுலகில் இருந்து வந்தவர்கள்தான் தமிழகத்தை ஆட்சி செய்தும் உள்ளனர். தமிழக முதல்வர் ஜெயலலிதா மற்றும் முன்னாள் முதல்வர் கருணாநிதியின் மரணத்திற்குப் பின்னர் இருக்கும் வெற்றிடத்தை யார் நிரப்ப உள்ளனர் என்று பார்க்கும்போது விஜய்க்கு அதிக வரவேற்பு உள்ளது. அரசியல் என்பதும் எளிதானது அல்ல.

அரசியலில் பின்பலம் தேவை:
சினிமாவில் இருந்து கொண்டே அரசியலில் எம்ஜிஆர் பயணித்தார் என்றால், அவர் அண்ணாதுரையுடன் இணக்கமாக இருந்தார். அரசியல் மேடைகளில் தோன்றினார். தனக்கு என அந்த மேடையை பின்னாட்களில் பயன்படுத்திக் கொண்டார். திமுகவில் இருந்தார். பின் நாட்களில் அதிமுக என்ற கட்சியைத் துவக்கினார். இவரைப் பின்பற்றி வந்த ஜெயலலிதாவும், எம்ஜிஆருடன் பயணித்து மக்களின் ஆதரவைப் பெற்றார். பின்பலமாக கட்சியும் இருந்தது. இவர்கள் இருவருக்கும் வயது வித்தியாசமின்றி தமிழக மக்களின் ஆதரவும் இருந்தது.

நடிப்பதால் அரசியலுக்கு வர முடியுமா?
ஆனால், இன்றைய நிலைமை வேறு. விஜய் அரசியலுக்கு வர வேண்டுமானால் கட்சி தொடங்க வேண்டும். அரசியல்வாதிகளை எதிர்கொள்ள வேண்டும். களத்தில் இறங்கி வேலை செய்ய வேண்டும். படத்தில் நடிப்பதன் மூலம் அரசியலுக்கு வந்து விடலாம் என்று எண்ணுவதும் எளிதானது இல்லை.

அரசியல் படங்கள் மட்டுமே பேசப்படும்:
ரசிகர்களின் பார்வையில் நன்றாக இருக்கும் மெர்சலும், சர்க்காரும் ”காமன்மேனின்” பார்வையில் வேறு விதமாக இருக்கலாம். அரசியல் வாடை இருக்கும் படங்களை எடுத்தால்தான் ரசிகர்களைக் கவர முடியும் என்ற நோக்கத்தில் எடுக்கப்பட்ட படமாக இவை இரண்டும் பார்க்கப்படுகின்றன. அந்த மாதிரி படங்களை விஜய்க்காக எடுக்கும் வரைதான் அவருக்கும் ரசிகர்களிடம் மவுசு இருக்கும். இல்லையென்றால் மற்ற நடிகர்களின் படங்களில் ஒன்றாக பேசப்படும்.

தற்போதைய நிலையில் அவ்வளவு எளிதில் விஜய் தமிழக அரசியல் கதவை தட்டுவார் என்ற நம்பிக்கை இல்லை. ஆழம் பார்த்தே அடி வைப்பார் என்று கருதப்படுகிறது. தற்போது கார்பரேட்டாக அரசியல் மாறினாலும், மக்களுக்காக என்ன செய்யவுள்ளார் என்ற எதிர்ப்பார்ப்பை பூர்த்தி செய்தே வரவேண்டும். பொறுத்திருந்து பார்க்கலாம், இந்தக் களம் விஜய்க்கானதா என்று.

About Author

Leave A Reply

முக்கிய குறிப்பு: வேர்ல்ட் பப்ளிக் நியூஸ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு வேர்ல்ட் பப்ளிக் நியூஸ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு editor@worldpublicnews.com என்ற இந்த இமெயில் முகவரிக்கு தொடர்பு கொள்ளவும்.