Latest News
‘ஹூவாய் நிறுவன அதிகாரியை விடுவிக்காவிட்டால், கடும் விளைவுகளை சந்திக்க நேரிடும்’ - கனடாவுக்கு சீனா பகிரங்க எச்சரிக்கைமுதல் முறையாக ரஷிய அதிபர் புதின் மகள் டி.வி.யில் தோன்றினார்பிரதமர் அலுவலகத்தின் மக்கள் தொடர்பு துறை அதிகாரி மறைவு; பிரதமர் மோடி இரங்கல்ரூ.9 ஆயிரம் கோடி கடன் மோசடி வழக்கு: விஜய் மல்லையா இந்தியாவுக்கு நாடு கடத்தப்படுவாரா? - லண்டன் கோர்ட்டு இன்று தீர்ப்புபொது நிகழ்ச்சியில் கலந்து கொண்ட மத்திய மந்திரியின் கன்னத்தில் அறைந்த வாலிபர் - மராட்டியத்தில் பரபரப்புஉத்தர பிரதேசத்தில் பனி மூட்டம்: அடுத்தடுத்து வாகனங்கள் மோதல் - 4 பேர் பலிபாகிஸ்தான் எதிர்க்கட்சி தலைவர் ஷாபாஸ் ஷெரீப் சிறையில் அடைப்புகடற்கரை பகுதியில் இருந்த நிரவ் மோடி பங்களா இடிப்புஇன்ஸ்டாகிராம் பக்கத்தில் பிரபலமாக விளங்கும் உலக தலைவர்கள் பட்டியலில் மோடிக்கு முதலிடம்நாக்பூரில் இணையதள விளையாட்டு; 17 வயது சிறுமி தற்கொலை

‘கஜா’ புயல் நிவாரண நிதிக்கு ஒரே நாளில் ரூ.15½ கோடி வசூல் முதல்-அமைச்சர் எடப்பாடி பழனிசாமியிடம் வழங்கப்பட்டது

0

‘கஜா’ புயல் தாக்கியதில், டெல்டா மாவட்டங்களான நாகை, திருவாரூர், தஞ்சை மற்றும் புதுக்கோட்டை, ராமநாதபுரம், கடலூர், திருச்சி உள்ளிட்ட மாவட்டங்கள் கடுமையாக சேதம் அடைந்தன. புயல் தாக்கி 13 நாட்கள் ஆன நிலையில், இன்னும் அங்கு சீரமைப்பு பணிகள் நிறைவடையவில்லை. வாழ்வாதாரத்தை இழந்து மக்கள் தவித்து வருகின்றனர்.

இந்த நிலையில், பாதிக்கப்பட்ட மக்களுக்கு உதவவும், நிவாரணம் மற்றும் சீரமைப்பு பணிகளை மேற்கொள்ளவும், முதல்-அமைச்சரின் பொது நிவாரண நிதிக்கு நன்கொடை வழங்குமாறு முதல்-அமைச்சர் எடப்பாடி பழனிசாமி கடந்த 19-ந் தேதி பொதுமக்களுக்கு வேண்டுகோள் விடுத்திருந்தார்.

அதனைத் தொடர்ந்து, தொழிலதிபர்களும், பொதுமக்களும் முதல்-அமைச்சரின் பொது நிவாரண நிதிக்கு நேரிலும், ஆன்-லைன் மூலமும் நன்கொடை வழங்கி வருகின்றனர். நேற்று முன்தினம் வரை சுமார் ரூ.17 கோடி நிவாரண நிதி வசூலாகி இருந்தது. இந்த நிலையில், நேற்றும் முதல்-அமைச்சர் எடப்பாடி பழனிசாமியை சென்னை தலைமைச் செயலகத்தில் பலர் சந்தித்து ‘கஜா’ புயல் சீரமைப்பு பணிகளுக்கு நிவாரண நிதியை அளித்தனர்.

அ.தி.மு.க. சார்பில் ரூ.1 கோடி நிவாரண நிதியை கட்சியின் ஒருங்கிணைப்பாளரும், துணை முதல்-அமைச்சருமான ஓ.பன்னீர்செல்வம், முதல்-அமைச்சர் எடப்பாடி பழனிசாமியிடம் வழங்கினார். சன் டி.வி. குழுமத்தின் சார்பில் அதன் செயல் அலுவலர் சண்முகம் மற்றும் தலைமை நிதி அலுவலர் நாராயணன் ஆகியோர் ரூ.2 கோடிக்கான காசோலையையும், நெய்வேலி பழுப்பு நிலக்கரி நிறுவனம் மற்றும் பணியாளர்கள் சார்பில் அதன் தலைவர் மற்றும் மேலாண்மை இயக்குனர் ராகேஷ் குமார் ரூ.6 கோடியே 79 லட்சத்திற்கான காசோலையையும் முதல்-அமைச்சர் எடப்பாடி பழனிசாமியிடம் வழங்கினார்கள்.

இதேபோல், வருவாய் மற்றும் பேரிடர் மேலாண்மைத்துறை அமைச்சரும், ஜெயலலிதா பேரவை செயலாளருமான ஆர்.பி.உதயகுமார், ஜெயலலிதா பேரவை சார்பில் ரூ.50 லட்சம், மதுரை மாவட்ட சட்டமன்ற உறுப்பினர்கள் மற்றும் மதுரை புறநகர் மாவட்ட அ.தி.மு.க. நிர்வாகிகள் சார்பில் ரூ.17 லட்சத்து 10 ஆயிரத்திற்கான காசோலைகளையும் முதல்-அமைச்சர் எடப்பாடி பழனிசாமியிடம் வழங்கினார்.

மார்டின் சாரிடபிள் டிரஸ்ட் சார்பில் டாக்டர் லீமா ரோஸ் மார்ட்டின், டாக்டர் ஜோஸ் சார்லஸ் மார்ட்டின் மற்றும் சிந்து சார்லஸ் ஆகியோர் ரூ.5 கோடிக்கான காசோலையையும், நாகா நிறுவனத்தின் செயல் இயக்குனர் சவுந்தர் கண்ணன், தலைமை செயல் அலுவலர் மோனா கண்ணன் ஆகியோர் ரூ.11 லட்சத்துக்கான காசோலையையும் முதல்-அமைச்சர் எடப்பாடி பழனிசாமியிடம் வழங்கினார்கள்.

மேலும், முன்னாள் அமைச்சர் வைகைச்செல்வன் 5 மாத ஓய்வூதியத் தொகையான ரூ.1 லட்சத்தையும், அண்ணா தொழிற்சங்கப் பேரவையின் மாநில துணைச் செயலாளர் கே.பாண்டுரங்கன் ரூ.5 லட்சத்திற்கான காசோலையையும், திருவண்ணாமலை தெற்கு மாவட்ட அ.தி.மு.க. செயலாளர் கே.ராஜன் ரூ.5 லட்சத்திற்கான காசோலையையும் முதல்-அமைச்சர் எடப்பாடி பழனிசாமியிடம் வழங்கினார்கள்.

நேற்று ஒரே நாளில் மட்டும் முதல்-அமைச்சரின் பொது நிவாரண நிதிக்கு ரூ.15 கோடியே 68 லட்சத்து 10 ஆயிரம் வசூலானது.

About Author

Leave A Reply

முக்கிய குறிப்பு: வேர்ல்ட் பப்ளிக் நியூஸ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு வேர்ல்ட் பப்ளிக் நியூஸ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு editor@worldpublicnews.com என்ற இந்த இமெயில் முகவரிக்கு தொடர்பு கொள்ளவும்.