Latest News
குழந்தையை மறந்து விமானநிலையத்தில் விட்டுவிட்டு விமானத்தில் பறந்த பெண்: திரும்பிய விமானம்யூடியுப்பை பார்த்து வீட்டிலேயே பிரசவிக்க முயன்ற கர்ப்பிணி, குழந்தை உயிரிழப்புவிமான நிறுவனங்களுடன் விமான போக்குவரத்து செயலர் இன்று அவசர ஆலோசனைமாணவிகளை தவறாக வழிநடத்திய வழக்கில் நிர்மலாதேவிக்கு உயர் நீதிமன்றம் ஜாமீன்தமிழகத்தில் தேர்தல் பிரச்சாரத்தை தொடங்க சென்னை வந்தார் ராகுல்காந்திபொள்ளாச்சி அருகே கால்வாயில் கார் கவிழ்ந்து விபத்து: 6 பேர் பலிஎஸ்.எஸ்.எல்.சி. பொதுத்தேர்வு நாளை தொடங்குகிறது9 லட்சத்து 97 ஆயிரம் மாணவ-மாணவிகள் எழுதுகின்றனர்சென்னை விமான நிலையத்திற்கு "ரெட் அலர்ட்"ஜம்மு காஷ்மீர்: 3 பயங்கரவாதிகள் சுட்டுக்கொலைஅந்தமானில் நிலநடுக்கம்: ரிக்டர் அளவில் 4.8 ஆக பதிவு

பெங்களூரு சிறையில் சசிகலாவிடம் வருமான வரித்துறை அதிகாரிகள் விசாரணை

0

தமிழக முன்னாள் முதல்- அமைச்சர் ஜெயலலிதாவின் மறைவுக்கு பிறகு அவருக்கு சொந்தமான போயஸ் கார்டனில் உள்ள வேதா இல்லத்திலும், ஜெயா டி.வி. அலுவலகம் உள்பட தமிழகம் முழுவதும் தொடர்புடைய வீடுகளில் வருமான வரி சோதனை நடைபெற்றது.

ஜெயலலிதா வீட்டில் சோதனை நடத்திய அதிகாரிகள், அங்கு சசிகலா தங்கியிருந்த அறையிலும் சோதனை நடத்தினர். அங்கு சில முக்கியமான ஆவணங்களை அதிகாரிகள் கைப்பற்றியாக கூறப்படுகிறது. இந்த சோதனையை அடுத்து ஜெயா டி.வி. நிர்வாகி உள்பட பல்வேறு நபர்களை நேரில் வரவழைத்து விசாரணை நடத்தினர்.

இந்த நிலையில் சொத்து குவிப்பு வழக்கில் சிறை தண்டனை பெற்று பெங்களூரு சிறையில் உள்ள சசிகலாவிடமும் விசாரணை நடத்த வருமான வரித்துறை அதிகாரிகள் முடிவு செய்தனர்.

இதையடுத்து பெங்களூரு சிறையில் சசிகலாவிடம் விசாரணை நடத்த 2 நாட்கள் அனுமதி வழங்க கோரி கர்நாடக அரசின் சிறைத்துறை நிர்வாகத்திற்கு வருமான வரித்துறை சார்பில் கடிதம் எழுதப்பட்டது.

அதற்கு 13 மற்றும் 14-ந் தேதி சசிகலாவிடம் விசாரணை நடத்த சிறைத்துறை வருமான வரித்துறை அதிகாரிகளுக்கு அனுமதி வழங்கியது. அதன்படி வருமான வரித்துறை அதிகாரிகள் நேற்று காலை 11 மணியளவில் ஒரு காரில் பெங்களூரு பரப்பனஅக்ரஹார சிறைக்கு வந்தனர்.

அதிகாரி வீரராகவராவ் தலைமையில் வந்த 5 பேர் கொண்ட குழுவில் ஒரு பெண் அதிகாரியும் இடம் பெற்றிருந்தார். வருமான வரித்துறை அதிகாரிகள் சிறையில் இருக்கும் சசிகலாவிடம் விசாரணை நடத்துவதற்கான அனுமதி கடிதத்தை சிறை அதிகாரிகளிடம் காண்பித்தனர். அதன்பிறகு வருமான வரித்துறையை அதிகாரிகள் சிறைக்குள் சென்றனர்.

இந்த விசாரணைக்காக சிறைக்குள் ஒரு தனி அறை ஏற்பாடு செய்யப்பட்டு இருந்தது. அங்கு வைத்து சசிகலாவிடம் வருமான வரி அதிகாரிகள் அடுக்கடுக்கான கேள்விகளை கேட்டு பதில்களை பெற்றனர். மதிய உணவுக்காக சசிகலாவுக்கு ஒரு மணி நேரம் அவகாசம் வழங்கப்பட்டது.

காலை 11 மணிக்கு சிறைக்குள் சென்ற அதிகாரிகள் மாலை 6 மணியளவில் வெளியே வந்தனர். 7 மணி நேரத்திற்கும் அதிகமாக சசிகலாவிடம் விசாரணை நடைபெற்றது. சுமார் 500 கேள்விகள் அவரிடம் கேட்கப்பட்டு, அதற்குரிய பதில் பெறப்பட்டது. இந்த விசாரணை நிகழ்வு முழுவதும் வீடியோவாக பதிவு செய்யப்பட்டதாக கூறப்படுகிறது. சசிகலாவிடம் இன்றும்(வெள்ளிக்கிழமை) விசாரணை நடைபெறும் என்று எதிர்பார்க்கப்படுகிறது.

About Author

Leave A Reply

முக்கிய குறிப்பு: வேர்ல்ட் பப்ளிக் நியூஸ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு வேர்ல்ட் பப்ளிக் நியூஸ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு editor@worldpublicnews.com என்ற இந்த இமெயில் முகவரிக்கு தொடர்பு கொள்ளவும்.