Latest News
மக்களுக்கு தேவையான அளவு தண்ணீர் லாரிகள் மூலம் வினியோகம் எடப்பாடி பழனிசாமி பேட்டிதிமுக பொருளாளர் துரைமுருகன் சென்னை அப்பலோ மருத்துவமனையில் அனுமதிகுடிநீருக்காக கண்ணீர் சிந்தும் சென்னைவாசிகள் தண்ணீர் பற்றாக்குறையால் தங்கும் விடுதிகள் மூடல்தண்ணீர் பற்றாக்குறையால் சென்னை ராஜீவ்காந்தி அரசு ஆஸ்பத்திரியில் கழிப்பறைகள் மூடல் நோயாளிகள் அவதிகாங்கிரஸ் தலைவர் ராகுல் காந்திக்கு பிரதமர் மோடி பிறந்த நாள் வாழ்த்துஉத்தர பிரதேசத்தில் சாலை விபத்து: 8 பேர் பலி, 11 பேர் காயம்அயோத்தி தாக்குதல் வழக்கில் 4 பேருக்கு ஆயுள் தண்டனைதடை செய்யப்பட்ட பிளாஸ்டிக் பொருட்களை பயன்படுத்தினால்இன்று முதல் அபராதம் விதிக்கப்படும்ரூ.100 முதல் ரூ.5 லட்சம் வரை வசூலிக்க தமிழக அரசு நடவடிக்கைமேற்கு வங்காளத்தில் போராடும் மருத்துவர்களுக்கு ஆதரவாக நாடு முழுவதும் டாக்டர்கள் வேலைநிறுத்தம்கடும் வெப்பம், அனல் காற்றினால் உயிரிழந்தோர் எண்ணிக்கை 61 ஆக உயர்வு

வங்காளதேசத்துக்கு எதிரான 2-வது டெஸ்ட்: நியூசிலாந்து அணி இன்னிங்ஸ் வெற்றி – தொடரையும் கைப்பற்றியது

0

நியூசிலாந்து-வங்காளதேசம் அணிகள் இடையிலான 2-வது டெஸ்ட் கிரிக்கெட் போட்டி வெலிங்டனில் நடந்தது. மழையால் 2 நாள் ஆட்டம் முழுமையாக பாதிக்கப்பட்ட இந்த போட்டியில் முதலில் ஆடிய வங்காளதேச அணி முதல் இன்னிங்சில் 211 ரன்களில் ‘ஆல்-அவுட்’ ஆனது. பின்னர் தனது முதல் இன்னிங்சை ஆடிய நியூசிலாந்து அணி 6 விக்கெட் இழப்புக்கு 432 ரன்கள் குவித்து டிக்ளேர் செய்தது. ராஸ் டெய்லர் இரட்டை சதம் (200 ரன்) அடித்தார். அடுத்து 221 ரன்கள் பின்தங்கிய நிலையில் 2-வது இன்னிங்சை தொடங்கிய வங்காளதேச அணி 4-வது நாள் முடிவில் 3 விக்கெட் இழப்புக்கு 80 ரன்கள் எடுத்து இருந்தது.

இந்த நிலையில் 5-வது மற்றும் கடைசி நாள் ஆட்டம் நேற்று நடந்தது. தொடர்ந்து ஆடிய வங்காளதேச அணியினர், நியூசிலாந்து வேகப்பந்து வீச்சாளர்களின் பவுன்சர் தாக்குதலை சமாளிக்க முடியாமல் மிரண்டனர்.

முடிவில் வங்காளதேச அணி 2-வது இன்னிங்சில் 56 ஓவர்களில் 209 ரன்னில் அடங்கியது. இதனால் நியூசிலாந்து அணி இன்னிங்ஸ் மற்றும் 12 ரன் வித்தியாசத்தில் அபார வெற்றி பெற்றது. வங்காளதேச அணியில் அதிகபட்சமாக கேப்டன் மக்முதுல்லா 67 ரன்னும், முகமது மிதுன் 47 ரன்னும் எடுத்தனர். நியூசிலாந்து தரப்பில் வேகப்பந்து வீச்சாளர்கள் நீல் வாக்னெர் 5 விக்கெட்டும், டிரென்ட் பவுல்ட் 4 விக்கெட்டும் கைப்பற்றினார்கள்.

இந்த வெற்றியின் மூலம் நியூசிலாந்து அணி 2-0 என்ற கணக்கில் தொடரை கைப்பற்றியது. ஏற்கனவே ஹாமில்டனில் நடந்த முதலாவது டெஸ்டிலும் நியூசிலாந்து அணி இன்னிங்ஸ் வெற்றி பெற்றிருந்தது. இவ்விரு அணிகள் இடையிலான 3-வது மற்றும் கடைசி டெஸ்ட் போட்டி கிறைஸ்ட்சர்ச்சில் வருகிற 16-ந் தேதி தொடங்குகிறது.

இதற்கிடையே, பீல்டிங்கின் போது இடது தோள்பட்டையில் ஏற்பட்ட காயத்துடன் 4-வது நாளில் பேட்டிங் செய்த நியூசிலாந்து கேப்டன் கேன் வில்லியம்சனுக்கு தசைநாரில் கிழிவு ஏற்பட்டிருப்பது தெரியவந்துள்ளது. இதனால் கடைசி டெஸ்டில் அவர் ஆடமாட்டார் என்று தெரிகிறது. அத்துடன் வருகிற 23-ந் தேதி தொடங்கும் ஐ.பி.எல். கிரிக்கெட்டில் சில ஆட்டங்களில் அவர் ஐதராபாத் சன் ரைசர்ஸ் அணிக்காக விளையாடுவது சந்தேகம் தான்.

About Author

Leave A Reply

முக்கிய குறிப்பு: வேர்ல்ட் பப்ளிக் நியூஸ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு வேர்ல்ட் பப்ளிக் நியூஸ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு editor@worldpublicnews.com என்ற இந்த இமெயில் முகவரிக்கு தொடர்பு கொள்ளவும்.