பெங்களூருவிடம் வீழ்ந்தது: ‘மோசமான பீல்டிங் தோல்விக்கு காரணம்’ பஞ்சாப் அணி கேப்டன் அஸ்வின் கருத்து

0

பஞ்சாப் அணி நிர்ணயித்த 174 ரன் இலக்கை நோக்கி ஆடிய பெங்களூரு அணி 19.2 ஓவர்களில் 2 விக்கெட் இழப்புக்கு வெற்றி இலக்கை எட்டியது. கேப்டன் விராட்கோலி 67 ரன்கள் (53 பந்துகளில் 8 பவுண்டரியுடன்) எடுத்து ஆட்டம் இழந்தார். டிவில்லியர்ஸ் 38 பந்துகளில் 5 பவுண்டரி, 2 சிக்சருடன் 59 ரன்னும், மார்கஸ் ஸ்டோனிஸ் 16 பந்துகளில் 4 பவுண்டரியுடன் 28 ரன்னும் எடுத்து ஆட்டம் இழக்காமல் இருந்தனர். பஞ்சாப் அணியின் அதிரடி ஆட்டக்காரர் கெய்ல் ஆட்டம் இழக்காமல் 99 ரன் குவித்தது வீணானது. பெங்களூரு அணி வீரர் டிவில்லியர்ஸ் ஆட்டநாயகன் விருது பெற்றார். இந்த போட்டியில் பந்து வீச கூடுதல் நேரம் எடுத்து கொண்டதற்காக பெங்களூரு அணியின் கேப்டன் விராட்கோலிக்கு ரூ.12 லட்சத்தை அபாரதமாக போட்டி அமைப்பு குழு விதித்துள்ளது.

தோல்வி குறித்து பஞ்சாப் அணியின் கேப்டன் ஆர்.அஸ்வின் கருத்து தெரிவிக்கையில், ‘கடைசி ஓவரில் பெங்களூரு அணி வெற்றிக்கு 6 ரன்களே தேவைப்பட்டது. டிவில்லியர்ஸ், ஸ்டோனிஸ்சை கட்டுப்படுத்த லெக் ஸ்பின்னர் பந்து வீசினால் சரியாக இருக்கும் என்று கருதி சர்ப்ராஸ் கான் பயன்படுத்தப்பட்டார். அதற்காக சாம் குர்ரன் சிறப்பாக பந்து வீசமாட்டார் என்று அர்த்தம் கிடையாது. நாங்கள் மோசமான பீல்டிங்கால் இந்த ஆட்டத்தில் வெற்றியை தவறவிட்டோம் எனலாம். சில கேட்ச் வாய்ப்புகளையும் கோட்டை விட்டோம். முதல் பாதியில் உலர்ந்து இருந்த மைதானம் பனிப்பொழிவு காரணமாக 2-வது பாதியில் பேட்டிங்குக்கு சாதகமானது. கடைசி 3 ஓவர்களில் 38 ரன்கள் தேவை என்று இருந்த போது சிறந்த பவுலர்களை பயன்படுத்தி பார்த்தேன். ஆனால் அதற்கு தகுந்த பலன் கிடைக்கவில்லை’ என்றார்.

About Author

Leave A Reply

முக்கிய குறிப்பு: வேர்ல்ட் பப்ளிக் நியூஸ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு வேர்ல்ட் பப்ளிக் நியூஸ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு editor@worldpublicnews.com என்ற இந்த இமெயில் முகவரிக்கு தொடர்பு கொள்ளவும்.