சுவையான கொத்தமல்லித்தழை புலாவ் ரெசிபி!

0

சாம்பார், ரசம், பிரியாணி என எதை சமைத்தாலும் கொத்தமல்லித்தழையை தூவி பரிமாறானால் அதன் ருசியே தனி. அவ்வளவு சுவைநிறைந்த கொத்தமல்லித்தழையில் புலாவ் செய்து சாப்பிட நீங்க ரெடியா? இதோ உங்களுக்கான கொத்தமல்லித்தழை புலாவ் ரெசிபி!

தேவையானவை: கொத்தமல்லித்தழை – ஒரு கட்டு, பாஸ்மதி அரிசி – 2 கப், தேங்காய்ப்பால் – அரை கப், தயிர் – ஒரு டேபிள்ஸ்பூன், பெரிய வெங்காயம் – 2, பச்சை மிளகாய் – 4, இஞ்சி – சிறு துண்டு, பூண்டு – 4 பல், எலுமிச்சைச் சாறு – ஒரு டேபிள்ஸ்பூன், லவங்கம், ஏலக்காய் – தலா ஒன்று, பட்டை – சிறு துண்டு, எண்ணெய், உப்பு, நெய், – தேவையான அளவு!

செய்முறை: கொத்தமல்லித்தழையை கழுவி நன்றாக சுத்தம் செய்து கொள்ளவும். பெரிய வெங்காயத்தை நீளமாக, மெல்லியதாக நறுக்கவும். இஞ்சி, பூண்டு, பச்சை மிளகாய் ஆகியவற்றுடன் கொத்தமல்லித்தழை சேர்த்து விழுதாக அரைக்கவும்.

குக்கரில் எண்ணெய், நெய் விட்டு, காய்ந்ததும் பட்டை, லவங்கம், ஏலக்காய் தாளித்து, நறுக்கிய வெங்காயம், உப்பு சேர்த்து வதக்கவும். பின்னர், அரைத்த கொத்தமல்லி விழுது, தயிர், எலுமிச்சைச் சாறு, தேங்காய்ப் பால் ஆகியவற்றை சேர்த்துக் கிளறி, இரண்டரை கப் நீர் சேர்த்து கொதிக்கவிடவும்.

நன்றாக கொதித்து வந்ததும், கழுவிய அரிசியை சேர்த்து நன்றாக கிளறி குக்கரை மூடவும். ஆவி வந்ததும் வெயிட் போட்டு அடுப்பை சிம்-ல் வைத்து 10 நிமிடங்கள் கழித்து இறக்கவும். கமகமக்கும் கொத்தமல்லித்தழை புலாவ் தயார்!!

About Author

Leave A Reply

முக்கிய குறிப்பு: வேர்ல்ட் பப்ளிக் நியூஸ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு வேர்ல்ட் பப்ளிக் நியூஸ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு editor@worldpublicnews.com என்ற இந்த இமெயில் முகவரிக்கு தொடர்பு கொள்ளவும்.