Latest News
அதிகாரிகள் மெத்தனத்தால் உயிரிழப்பு: ஐகோர்ட் வேதனைஇந்தியாவின் பொருளாதாரம் பலவீனம் : ஐஎம்எப்60 வயதுக்கு பிறகு கிடைக்கும்: விவசாயிகளுக்கு மாதம் ரூ.3 ஆயிரம் ஓய்வூதியம் புதிய திட்டத்தை - பிரதமர் மோடி தொடங்கி வைத்தார்நாடு முழுவதும் வங்கிகள் இணைப்பை எதிர்த்து: அதிகாரிகள் 2 நாள் வேலைநிறுத்தம் - 25-ந்தேதி நள்ளிரவு முதல் நடக்கிறதுபற்றி எரியும் அமேசான் காடு: காட்டுத்தீயை அணைக்க களத்தில் இறங்கிய அதிபர்மேற்கு தொடர்ச்சி மலையோர மாவட்டங்களில் இன்று கனமழை வானிலை ஆய்வு மையம் தகவல்ஐ.என்.எக்ஸ். மீடியா முறைகேடு வழக்கு: ப.சிதம்பரத்திற்கு எதிரான ஆவணங்கள் சுப்ரீம் கோர்ட்டில் தாக்கல்காஷ்மீர்: அரசியல் தலைவர்கள் படிப்படியாக விடுதலை செய்யப்படுவார்கள் எனத்தகவல்வருமான வரி விகிதம் குறைகிறது - மத்திய அரசுக்கு நிபுணர்கள் குழு பரிந்துரைஜப்பானில் சக்தி வாய்ந்த நிலநடுக்கம் : ரிக்டர் அளவில் 6.1 ஆக பதிவு

உலக கோப்பை கிரிக்கெட்: மழையால் பாதிக்கப்படும் போது பின்பற்றப்படும் விதிமுறை என்ன?

0

இங்கிலாந்தில் நடந்து வரும் 12-வது உலக கோப்பை கிரிக்கெட் போட்டியில் ‘வருணபகவான்’ அடிக்கடி புகுந்து சுவாரஸ்யத்தை குறைத்து விடுகிறார். நடப்பு தொடரில் இதுவரை 3 ஆட்டங்கள் மழையால் கைவிடப்பட்டு இருக்கிறது. மேலும் சில ஆட்டங்களில் மழை தாக்கத்திற்கு இடையே முடிவு கிடைத்திருக்கிறது. இங்கிலாந்தில் உள்ள வானிலையை பொறுத்தவரை உலக கோப்பை தொடர் முழுவதுமே மழை குறுக்கிட வாய்ப்பு உள்ளது. இதனால் வீரர்கள் மட்டுமின்றி, ரசிகர்களும் எரிச்சலுக்குள்ளாகி இருக்கிறார்கள்.

இதே சீதோஷ்ண நிலை தொடர்ந்தால், லீக் சுற்று முடிவில் சில அணிகள் ஒரே எண்ணிக்கையிலான புள்ளிகளை பெற்றாலும் ஆச்சரியப்படுவதற்கு இல்லை. அரைஇறுதி, இறுதிப்போட்டியிலும் இதே நிலை நீடித்தால் என்ன செய்வார்கள்? என்ற குழப்பம் வருகிறது அல்லவா?. அதற்கான விடை இது தான்.

* லீக் சுற்று முடிவில் டாப்-4 பிடிக்கும் அணிகள் அரைஇறுதிக்கு தகுதி பெறும். அரைஇறுதி வாய்ப்புக்குரிய அணிகள் ஒரே புள்ளிகளை பெற்று சமநிலையில் இருந்தால் லீக் சுற்றில் யார் அதிக வெற்றி பெற்று இருக்கிறார்கள் என்று பார்க்கப்படும். அதிலும் சமநிலை நீடித்தால் ரன்-ரேட் கணக்கிட்டு முன்னுரிமை வழங்கப்படும். அதுவும் சமனாக இருக்கும் பட்சத்தில், அவ்விரு அணிகளுக்கு இடையிலான ஒரு நாள் தொடரில் யார் அதிக வெற்றி பெற்றார்கள் என்று பார்ப்பார்கள். ஒரு வேளை இந்த மூன்று விஷயங்களும் ஒரே மாதிரி சமனாக இருந்தால், உலக கோப்பை போட்டிக்கு முன்பாக தரவரிசையில் யார் முன்னிலை பெற்றிருந்தார்கள் என்பதன் அடிப்படையில் அரைஇறுதி அணி தேர்வாகும்.

* லீக் சுற்றுக்கு மாற்று நாள் (ரிசர்வ் டே) கிடையாது. ஆனால் லீக் சுற்று ஆட்டத்தின் போது மழையால் தாமதம் ஆனால் காலநேரத்தை நீட்டிக்க நடுவருக்கு அதிகாரம் உண்டு.

* அரைஇறுதி மற்றும் இறுதிப்போட்டிக்கு மட்டுமே ‘ரிசர்வ் டே’ வைக்கப்பட்டுள்ளது. மழையால் ஆட்டம் பாதிக்கப்பட்டால் மறுநாளுக்கு ஒத்தி வைக்கப்படும்.

* அரைஇறுதி மற்றும் இறுதிப்போட்டியில் ஆட்டம் ‘டை’யில் முடிந்தால் சூப்பர் ஓவர் முறை கடைபிடிக்கப்படும்.

* அரைஇறுதி ஆட்டத்தை மழையால் கைவிட வேண்டிய சூழ்நிலை வந்தால், லீக் சுற்றில் முன்னிலை வகித்த அணிக்கு இறுதிப்போட்டி அதிர்ஷ்டம் அடிக்கும்.

* இறுதி ஆட்டம் இரண்டு நாளும் மழையால் தடைப்பட்டால் இரு அணிகளும் கோப்பையை பகிர்ந்து கொள்ளும்.

About Author

Leave A Reply

முக்கிய குறிப்பு: வேர்ல்ட் பப்ளிக் நியூஸ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு வேர்ல்ட் பப்ளிக் நியூஸ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு editor@worldpublicnews.com என்ற இந்த இமெயில் முகவரிக்கு தொடர்பு கொள்ளவும்.