தென்னிந்திய திரைப்படம் மற்றும் தொலைக்காட்சி தயாரிப்பாளர் சங்கத்தின் பெயரில் பணம் வசூலிக்க இடைக்கால தடை ஐகோர்ட்டு உத்தரவு

0

தமிழ் திரைப்படத்தில் பிரபல சண்டை பயிற்சியாளராக இருப்பவர் எஸ்.பி.ஜாக்குவார் தங்கம். இவர், சென்னை ஐகோர்ட்டில் தாக்கல் செய்துள்ள மனுவில் கூறியிருப்பதாவது:-

தென்னிந்திய திரைப்படம் மற்றும் தொலைக்காட்சி தயாரிப்பாளர்கள் கில்டு தலைவராக உள்ளேன். இதே பெயரில், போலியாக ஒரு சங்கத்தை பாலசுப்பிரமணியம் உள்ளிட்ட சிலர் தொடங்கியுள்ளனர். அச்சங்கத்துக்கு தலைவராக பாலசுப்பிரமணியம் உள்ளார். இவர்கள், நான் தலைவராக இருக்கும் சங்கத்தின் பெயரையும், அதன் மயில் சின்னத்தையும் தவறாக பயன்படுத்துவதுடன், பலரிடம் இருந்து பணத்தை பெற்று மோசடி செய்து வருகின்றனர்.

அச்சங்கத்தின் தலைவர் பொறுப்பில் இருந்து என்னை நீக்கிவிட்டதாகவும் அறிவித்துள்ளனர். எங்களது சங்கம், சங்கங்களின் பதிவாளரிடம் முறையாக பதிவு செய்யப்பட்டுள்ளது. எனவே, எங்கள் சங்கத்தின் பெயரை பயன்படுத்தவும், உறுப்பினர்களிடம் இருந்து பணம் வசூலிக்கவும், குறிப்பாக வடபழனியில் உள்ள யூனியன் பாங்க் ஆப் இந்தியா என்ற வங்கியில் உள்ள கணக்கு மூலம் பணம் வசூலிக்கவும் தடை விதிக்கவேண்டும். இவ்வாறு அதில் கூறப்பட்டு இருந்தது.

இந்த வழக்கு நீதிபதி கிருஷ்ணன் ராமசாமி முன்பு விசாரணைக்கு வந்தது. மனுதாரர் சார்பில் வக்கீல் ஆர்.மகேஸ்வரி ஆஜராகி வாதிட்டார். இதையடுத்து நீதிபதி கிருஷ்ணன் ராமசாமி பிறப்பித்த இடைக்கால உத்தரவில், ‘எதிர்மனுதாரர் பாலசுப்பிரமணியம் உள்ளிட்டோர் மனுதாரரின் தென்னிந்திய திரைப்படம் மற்றும் தொலைக் காட்சி தயாரிப்பாளர்கள் கில்டு என்ற பெயரை பயன்படுத்த இடைக்கால தடை விதிக்கப்படுகிறது.

இந்த சங்கத்தின் பெயரில் வங்கிக் கணக் குகள் தொடங்கி, குறிப்பாக யூனியன் பாங்க் ஆப் இந்தியா என்ற வங்கியின் வடபழனியில் கிளையில் உள்ள வங்கிக்கணக்கு மூலம் பணம் வசூலிக்கவும் இடைக்கால தடை விதிக்கப்படுகிறது. இந்த மனுவுக்கு பாலசுப்பிரமணியம் உள்ளிட்டோர் வருகிற ஆகஸ்டு 9-ந் தேதிக்குள் பதில் மனு தாக்கல் செய்ய வேண்டும்’ என்று உத்தரவிட்டார்.

About Author

Leave A Reply

முக்கிய குறிப்பு: வேர்ல்ட் பப்ளிக் நியூஸ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு வேர்ல்ட் பப்ளிக் நியூஸ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு editor@worldpublicnews.com என்ற இந்த இமெயில் முகவரிக்கு தொடர்பு கொள்ளவும்.