Latest News
அதிகாரிகள் மெத்தனத்தால் உயிரிழப்பு: ஐகோர்ட் வேதனைஇந்தியாவின் பொருளாதாரம் பலவீனம் : ஐஎம்எப்60 வயதுக்கு பிறகு கிடைக்கும்: விவசாயிகளுக்கு மாதம் ரூ.3 ஆயிரம் ஓய்வூதியம் புதிய திட்டத்தை - பிரதமர் மோடி தொடங்கி வைத்தார்நாடு முழுவதும் வங்கிகள் இணைப்பை எதிர்த்து: அதிகாரிகள் 2 நாள் வேலைநிறுத்தம் - 25-ந்தேதி நள்ளிரவு முதல் நடக்கிறதுபற்றி எரியும் அமேசான் காடு: காட்டுத்தீயை அணைக்க களத்தில் இறங்கிய அதிபர்மேற்கு தொடர்ச்சி மலையோர மாவட்டங்களில் இன்று கனமழை வானிலை ஆய்வு மையம் தகவல்ஐ.என்.எக்ஸ். மீடியா முறைகேடு வழக்கு: ப.சிதம்பரத்திற்கு எதிரான ஆவணங்கள் சுப்ரீம் கோர்ட்டில் தாக்கல்காஷ்மீர்: அரசியல் தலைவர்கள் படிப்படியாக விடுதலை செய்யப்படுவார்கள் எனத்தகவல்வருமான வரி விகிதம் குறைகிறது - மத்திய அரசுக்கு நிபுணர்கள் குழு பரிந்துரைஜப்பானில் சக்தி வாய்ந்த நிலநடுக்கம் : ரிக்டர் அளவில் 6.1 ஆக பதிவு

அமைச்சரவை தீர்மானத்தின்படி 7 பேரை விடுதலை செய்யக் கோரிய நளினி மனு தள்ளுபடி ஐகோர்ட்டு உத்தரவு

0

முன்னாள் பிரதமர் ராஜீவ்காந்தி கொலை வழக்கில் ஆயுள் தண்டனை கைதிகளாக சிறையில் உள்ள நளினி, முருகன், சாந்தன், பேரறிவாளன் உள்ளிட்ட 7 பேரை முன்கூட்டியே விடுதலை செய்ய தமிழக அமைச்சரவையில் கடந்த 2018-ம் ஆண்டு செப்டம்பர் 9-ந் தேதி தீர்மானம் நிறைவேற்றப்பட்டது.

இந்த தீர்மானத்துக்கு ஒப்புதல் கேட்டு தமிழக கவர்னருக்கு அனுப்பி வைக்கப்பட்டது. ஆனால், இதுவரை கவர்னர் அந்த தீர்மானத்துக்கு ஒப்புதல் அளிக்கவில்லை.

இதையடுத்து தீர்மானத்துக்கு விரைவாக கவர்னரிடம் ஒப்புதலை பெற தமிழக அரசுக்கு உத்தரவிட வேண்டும் அல்லது அமைச்சரவை தீர்மானத்தின்படி எங்களை (7 பேரையும்) விடுதலை செய்ய அரசுக்கு உத்தரவிட வேண்டும்’ என்று நளினி வழக்கு தொடர்ந்தார்.

கவர்னரிடம் கேள்வி

இந்த வழக்கை நீதிபதிகள் ஆர்.சுப்பையா, சி.சரவணன் ஆகியோர் விசாரித்தனர். அப்போது, நளினி தரப்பில் ஆஜரான வக்கீல் எம்.ராதாகிருஷ்ணன், ‘நியமன பதவியில் உள்ள கவர்னரிடம் தீர்மானத்துக்கு ஏன் இதுவரை ஒப்புதல் அளிக்கவில்லை? என்று மக்களால் தேர்ந்தெடுக்கப்பட்ட தமிழக அரசு, ஜனநாயக ரீதியில் கேள்வி கேட்க முடியும். அதற்கு சட்டத்தில் இடம் உள்ளது’ என்று வாதிட்டார்.

இதற்கு எதிர்ப்பு தெரிவித்து, தலைமை குற்றவியல் வக்கீல் ஏ.நடராஜன் வாதிட்டார். அவர், ‘அரசியலமைப்புச் சட்டம் கவர்னருக்கு என்று தனிப்பட்ட அதிகாரத்தை வழங்கியுள்ளது. அந்த அதிகாரத்தில் மாநில அரசு தலையிட முடியாது.

மேலும் தீர்மானமோ அல்லது கடிதமோ மாநில அரசால் கவர்னருக்கு அனுப்பி வைக்க மட்டுமே முடியும். அதன் தற்போதைய நிலை என்ன என்பது குறித்து கவர்னரிடம் கேள்வியோ அல்லது விளக்கமோ அரசால் கேட்க முடியாது. எனவே, இந்த வழக்கை தள்ளுபடி செய்ய வேண்டும்’ என வாதிட்டு இருந்தார்.

தலையிட முடியாது

இருதரப்பு வாதங்களையும் கேட்டறிந்த நீதிபதிகள், வழக்கின் தீர்ப்பை தேதி குறிப்பிடாமல் தள்ளிவைத்து இருந்தனர். இந்நிலையில் இந்த வழக்கை தள்ளுபடி செய்து நேற்று நீதிபதிகள் தீர்ப்பளித்துள்ளனர்.

நீதிபதிகள் தங்களது தீர்ப்பில், ‘7 பேரையும் முன்கூட்டியே விடுதலை செய்வது தொடர்பாக மனுதாரர் விடுத்த கோரிக்கையை ஏற்று தமிழக அமைச்சரவை தீர்மானம் நிறைவேற்றி அதை கவர்னருக்கு ஒப்புதலுக்காக பரிந்துரை செய்துள்ளது.

தமிழக அரசு தன்னுடைய கடமையை செய்துவிட்டது. இந்த சூழலில் அரசுக்கு எந்த ஒரு உத்தரவையும் பிறப்பிக்க முடியாது. மனுதாரரின் கோரிக்கையிலும் ஐகோர்ட்டு தலையிட முடியாது’ என்று கூறியுள்ளனர்.

About Author

Leave A Reply

முக்கிய குறிப்பு: வேர்ல்ட் பப்ளிக் நியூஸ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு வேர்ல்ட் பப்ளிக் நியூஸ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு editor@worldpublicnews.com என்ற இந்த இமெயில் முகவரிக்கு தொடர்பு கொள்ளவும்.