Latest News
அதிகாரிகள் மெத்தனத்தால் உயிரிழப்பு: ஐகோர்ட் வேதனைஇந்தியாவின் பொருளாதாரம் பலவீனம் : ஐஎம்எப்60 வயதுக்கு பிறகு கிடைக்கும்: விவசாயிகளுக்கு மாதம் ரூ.3 ஆயிரம் ஓய்வூதியம் புதிய திட்டத்தை - பிரதமர் மோடி தொடங்கி வைத்தார்நாடு முழுவதும் வங்கிகள் இணைப்பை எதிர்த்து: அதிகாரிகள் 2 நாள் வேலைநிறுத்தம் - 25-ந்தேதி நள்ளிரவு முதல் நடக்கிறதுபற்றி எரியும் அமேசான் காடு: காட்டுத்தீயை அணைக்க களத்தில் இறங்கிய அதிபர்மேற்கு தொடர்ச்சி மலையோர மாவட்டங்களில் இன்று கனமழை வானிலை ஆய்வு மையம் தகவல்ஐ.என்.எக்ஸ். மீடியா முறைகேடு வழக்கு: ப.சிதம்பரத்திற்கு எதிரான ஆவணங்கள் சுப்ரீம் கோர்ட்டில் தாக்கல்காஷ்மீர்: அரசியல் தலைவர்கள் படிப்படியாக விடுதலை செய்யப்படுவார்கள் எனத்தகவல்வருமான வரி விகிதம் குறைகிறது - மத்திய அரசுக்கு நிபுணர்கள் குழு பரிந்துரைஜப்பானில் சக்தி வாய்ந்த நிலநடுக்கம் : ரிக்டர் அளவில் 6.1 ஆக பதிவு

தென்ஆப்பிரிக்காவுக்கு எதிரான தொடர்:இந்திய டெஸ்ட் அணியில் இருந்து லோகேஷ் ராகுல் நீக்கம்சுப்மான் கில்லுக்கு வாய்ப்பு

0

தென்ஆப்பிரிக்காவுக்கு எதிரான டெஸ்ட் தொடரில் விளையாடும் இந்திய அணியில் இருந்து லோகேஷ் ராகுல் நீக்கப்பட்டுள்ளார்.

தென்ஆப்பிரிக்க டெஸ்ட் தொடர்

இந்தியாவுக்கு வந்துள்ள தென்ஆப்பிரிக்க கிரிக்கெட் அணி மூன்று 20 ஓவர் போட்டி மற்றும் மூன்று டெஸ்ட் போட்டிகளில் பங்கேற்கிறது. 20 ஓவர் ஆட்டங்கள் முறையே வருகிற 15, 18, 22-ந்தேதிகளில் நடைபெறுகிறது.

இந்தியா – தென்ஆப்பிரிக்கா இடையிலான முதலாவது டெஸ்ட் கிரிக்கெட் போட்டி விசாகப்பட்டினத்தில் அடுத்த மாதம் (அக்டோபர்) 2-ந்தேதி தொடங்குகிறது. 2-வது டெஸ்ட் புனேயிலும் (அக்.10-14), 3-வது டெஸ்ட் ராஞ்சியிலும் (அக்.19-23) நடைபெறுகிறது. இந்த தொடர் உலக டெஸ்ட் சாம்பியன்ஷிப் போட்டிக்கு உட்பட்டு வருவதால் முக்கியத்துவம் வாய்ந்ததாக கருதப்படுகிறது.

ராகுலுக்கு இடமில்லை

தென்ஆப்பிரிக்க டெஸ்ட் தொடருக்கான இந்திய அணி நேற்று அறிவிக்கப்பட்டது. எதிர்பார்த்தது போலவே வெஸ்ட் இண்டீஸ் டெஸ்ட் தொடரில் சோபிக்காத (4 இன்னிங்சில் 101 ரன்) தொடக்க ஆட்டக்காரர் லோகேஷ் ராகுல் கழற்றி விடப்பட்டுள்ளார். ஒரு நாள் கிரிக்கெட் போட்டி போன்றே டெஸ்ட் கிரிக்கெட்டிலும் ரோகித் சர்மாவை தொடக்க வீரராக இறக்க வேண்டும் என்று முன்னாள் வீரர்கள் சவுரவ் கங்குலி, கவுதம் கம்பீர் உள்ளிட்டோர் தொடர்ந்து வலியுறுத்தி வருகிறார்கள். அதற்கு முன்னோட்டமாக லோகேஷ் ராகுல் நீக்கப்பட்டு விட்டார். இதன் மூலம் தென்ஆப்பிரிக்க டெஸ்ட் தொடரில் ரோகித் சர்மா தொடக்க வீரராக ஆடுவது உறுதியாகி விட்டது.

வெஸ்ட் இண்டீஸ் ஏ அணிக்கு எதிரான டெஸ்டில் இரட்டை சதம் விளாசிய இளம் வீரர் சுப்மான் கில் முதல்முறையாக டெஸ்ட் அணிக்கு அழைக்கப்பட்டுள்ளார். பஞ்சாப்பை சேர்ந்த 20 வயதான சுப்மான் கில் ஏற்கனவே இரண்டு ஒரு நாள் போட்டியில் ஆடியிருக்கிறார். வேகப்பந்து வீச்சாளர் உமேஷ் யாதவ் நீக்கப்பட்டுள்ளார். மற்றபடி வெஸ்ட் இண்டீஸ் தொடரில் ஆடிய வீரர்களில் மாற்றம் ஏதும் இல்லை.

தொடக்க வீரராக ரோகித்

அணி பட்டியலை வெளியிட்ட பிறகு இந்திய அணியின் தேர்வு குழு தலைவர் எம்.எஸ்.கே. பிரசாத் நிருபர்களிடம் கூறுகையில், ‘நிச்சயமாக, ரோகித் சர்மாவை நாங்கள் ஒரு தொடக்க ஆட்டக்காரராகவே பார்க்கிறோம். டெஸ்ட் இன்னிங்சில் முன்வரிசையில் அவர் விளையாட வாய்ப்பு அளிக்க விரும்புகிறோம். நாங்கள் மட்டுமல்ல, அவரும் தொடக்க ஆட்டக்காரராக களம் காண ஆர்வமாக இருக்கிறார்.

சுப்மான் கில்லை பொறுத்தவரை முதல்தர போட்டிகளில் தொடக்க வீரராகவும், மிடில் வரிசை பேட்ஸ்மேனாகவும் சிறப்பாக விளையாடி உள்ளார். இதனால் இரண்டு வரிசைக்கும் அவரை மாற்று வீரராக வைத்துள்ளோம். லோகேஷ் ராகுல் அற்புதமான திறமை கொண்டவர். துரதிர்ஷ்டவசமாக டெஸ்ட் கிரிக்கெட்டில் அவரது பேட்டிங் சீராக இல்லை’ என்றார்.

அணி விவரம்

இந்திய டெஸ்ட் அணி வருமாறு:-

விராட் கோலி (கேப்டன்), மயங்க் அகர்வால், ரோகித் சர்மா, புஜாரா, அஜிங்யா ரஹானே (துணை கேப்டன்), ஹனுமா விஹாரி, ரிஷாப் பண்ட், விருத்திமான் சஹா, அஸ்வின், ரவீந்திர ஜடேஜா, குல்தீப் யாதவ், முகமது ஷமி, ஜஸ்பிரித் பும்ரா, இஷாந்த் ஷர்மா, சுப்மான் கில்.

டெஸ்ட் தொடருக்கு முன்பாக தென்ஆப்பிரிக்க அணி இந்திய கிரிக்கெட் வாரிய தலைவர் லெவன் அணிக்கு எதிராக 3 நாள் பயிற்சி ஆட்டத்தில் மோதுகிறது. பயிற்சி ஆட்டம் வருகிற 26-ந்தேதி விஜயநகரத்தில் தொடங்குகிறது. இந்த பயிற்சி ஆட்டத்திற்கான கிரிக்கெட் வாரிய லெவன் அணியின் கேப்டனாக ரோகித் சர்மா நியமிக்கப்பட்டுள்ளார். மயங்க் அகர்வால், கருண்நாயர், ஜலஜ்சக்சேனா, அபிமன்யூ ஈஸ்வரன், ஷர்துல் தாகூர், உமேஷ் யாதவ் ஆகியோரும் இந்த அணியில் இடம் பிடித்துள்ளனர்.

About Author

Leave A Reply

முக்கிய குறிப்பு: வேர்ல்ட் பப்ளிக் நியூஸ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு வேர்ல்ட் பப்ளிக் நியூஸ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு editor@worldpublicnews.com என்ற இந்த இமெயில் முகவரிக்கு தொடர்பு கொள்ளவும்.