ஐ.பி.எல்: அனில் கும்ப்ளே பஞ்சாப் அணியின் இயக்குனராக நியமனம்

0

இந்திய கிரிக்கெட் அணியின் முன்னாள் கேப்டனும், பயிற்சியாளருமான அனில் கும்ப்ளே கிங்ஸ் லெவன் பஞ்சாப் அணியின் கிரிக்கெட் செயல்பாடுகள் இயக்குனராக நியமிக்கப்பட்டுள்ளார். மும்பையில் நடந்த பஞ்சாப் அணியின் செயல் குழு கூட்டத்தில் இதற்கான ஒப்பந்தம் கையெழுத்தானது.

இந்திய அணியின் பயிற்சியாளராக செயல்பட்டுவந்த அனில் கும்ப்ளே, கடந்த 2017 ஆம் ஆண்டு நடைபெற்ற சாம்பியன்ஸ் ட்ராபி தொடரில் கேப்டன் விராட் கோலியுடன் ஏற்பட்ட கருத்து வேறுபாட்டால் பதவியில் இருந்து விலகினார். தற்போது பஞ்சாப் அணியின் இயக்குனராக நியமிக்கப்பட்டுள்ள கும்ப்ளே, இதற்கு முன்னதாக ஐ.பி.எல் அணிகளான மும்பை இந்தியன்ஸ், ராயல் சேலஞ்சர்ஸ் பெங்களூரு ஆகிய இரு அணிகளுக்கு பயிற்சியாளராக செயல்பட்டுள்ளார்.

பஞ்சாப், டெல்லி மற்றும் பெங்களூரு ஆகிய மூன்று அணிகளும் இதுவரை ஒருமுறை கூட ஐ.பி.எல் கோப்பையை வென்றதில்லை. கடந்த 2014 ஆம் ஆண்டு இறுதிச்சுற்று வரை முன்னேறிய பஞ்சாப் அணி, கொல்கத்தா நைட் ரைடர்ஸ் அணியிடம் வீழ்ந்தது. அதன் பின்னர் கடந்த இரு ஆண்டுகளாக பிளே-ஆப் சுற்றைக் கூட தாண்டவில்லை. இந்நிலையில் அனில் கும்ப்ளே இயக்குனராக நியமிக்கப்பட்ட பிறகு பஞ்சாப் அணி சிறப்பாக செயல்படும் என நம்புவதாக அந்த அணியின் இணை உரிமையாளர் நெஸ் வாதியா தெரிவித்தார்.

பஞ்சாப் அணியின் கேப்டன் அஸ்வின் டெல்லி அணிக்கு மாற இருப்பதாக தகவல் வெளியான நிலையில், “அஸ்வின் எங்கள் அணியின் ஒருங்கிணைந்த பகுதி. அவரை நாங்கள் பெரிதும் மதிக்கிறோம்” என்று நெஸ் வாதியா குறிப்பிட்டுள்ளார்.

About Author

Leave A Reply

முக்கிய குறிப்பு: வேர்ல்ட் பப்ளிக் நியூஸ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு வேர்ல்ட் பப்ளிக் நியூஸ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு editor@worldpublicnews.com என்ற இந்த இமெயில் முகவரிக்கு தொடர்பு கொள்ளவும்.