Latest News
நாடு முழுவதும் சமத்துவ கிராமங்கள் அமைக்கும் திட்டம் ஒன்றிய அரசிடம் இல்லை :மக்களவையில் ஒன்றிய அமைச்சர் தகவல்மாமல்லபுரம் வந்தடைந்தது செஸ் ஒலிம்பியாட் ஜோதி- அமைச்சர்கள் உற்சாக வரவேற்புஈரோடு மாவட்டத்தில் காவிரி கரையோர பகுதிகள் தீவிரமாக கண்காணிப்புமருத்துவமனையில் இருந்து முதல்வர் ஸ்டாலின் டிஸ்சார்ஜ்தனுஷ்கோடியில் கடல் சீற்றம்- கடலில் நீராட பக்தர்களுக்கு தடைரூ.3.50 கோடி சம்பளம் - 'போர் அடிக்குது' என வேலையை ராஜினாமா செய்த இளைஞர்!சென்னையில் மியாவாக்கி காடுகள்!பா.ஜ.க. நிர்வாகி கொலை - 4 பேரை கைது செய்தது தனிப்படைஒடிசாவில் வாலிபரை லாரியின் முன்புறம் கட்டி 3 கி.மீ. தூரம் ஓட்டிச்சென்ற டிரைவர்கள்பிரதமர் மோடி வருகையை முன்னிட்டு சென்னையில் போக்குவரத்து மாற்றம்..!

குஜராத்தில் பூரண மதுவிலக்கு அமலில் உள்ள நிலையில் கள்ளச்சாராயம் குடித்து பலியானோர் எண்ணிக்கை 36 ஆக அதிகரிப்பு

0

அகமதாபாத்: குஜராத்தில் கள்ளச்சாராயம் குடித்த பலியானோர் எண்ணிக்கை 36 ஆக உயர்ந்துள்ளது. 50க்கும் மேற்பட்டோர் மருத்துவமனையில் சிகிச்சை பெற்று வருகின்றனர். குஜராத் மாநிலத்தில் மதுவிலக்கு அமலில் உள்ளது. இருப்பினும், கிராமபுறங்களில் கள்ளச்சாராய விற்பனை அமோகமாக நடக்கிறது. நேற்று அதிகாலை பொடாட் மாவட்டத்தில் உள்ள ரோஜித் கிராமம் மற்றும் சுற்றியுள்ள உள்ள கிராமங்களில் வசிக்கும் 50க்கும் மேற்பட்டோருக்கு திடீரென உடல் நலக்குறைவு ஏற்பட்டது. அவர்கள் பாவ்நகர், பொடாட் மற்றும் அகமதாபாத்தில் உள்ள அரசு மருத்துவமனைகளில் அனுமதிக்கப்பட்டனர்.

அங்கு அவர்களை மருத்துவர்கள் பரிசோதித்தபோது, அனைவரும் விஷம் கலந்த கள்ளச்சாராயம் குடித்திருப்பது தெரிந்தது. மருத்துவர்கள் அவர்களுக்கு தீவிர சிகிச்சை அளித்தனர். இருப்பினும், சிகிச்சை பலனின்றி 36 பேர் இறந்தனர். 50க்கும் மேற்பட்டோருக்கு தீவிர சிகிச்சை அளிக்கப்பட்டு வருகிறது. இவர்களில் பலரின் நிலைமை கவலைக்கிடமாக இருப்பதால், பலி எண்ணிக்கை அதிகரிக்கும் என தெரிகிறது. இது தொடர்பாக குஜராத் போலீசார் விசாரணை நடத்தி வருகின்றனர். இந்த சம்பவம் குறித்து விரிவான விசாரணை நடத்தி 3 நாட்களுக்குள் அறிக்கை சமர்ப்பிப்பதற்காக மதுவிலக்கு மற்றும் கலால் துறை இயக்குனர், குஜராத் தடய அறிவியல் ஆய்வக இயக்குனர் உள்ளிட்டோர் அடங்கிய உயர்மட்ட குழுவை குஜராத் அரசு அமைத்துள்ளது.

குஜராத் டிஜிபி ஆஷிஷ் பாட்டியா நேற்று அளித்த பேட்டியில், ‘பொடாட்டின் பல்வேறு கிராமங்களைச் சேர்ந்த பெண் உட்பட சிறு சிறு கொள்ளையர்கள் சிலர், அதிக விஷத்தன்மை கொண்ட மெத்தில் ஆல்கஹாலை தண்ணீரில் கலந்து போலி மதுபானத்தை தயாரித்து, ஒரு பாக்கெட் ரூ.20 என்று விற்றுள்ளனர். அதை வாங்கி குடித்தவர்களே உயிரிழந்துள்ளனர். இறந்தவர்களின் ரத்த மாதிரிகளை ஆய்வு செய்தத்தில் மெத்தனால் உட்கொண்டது உறுதி செய்யப்பட்டுள்ளது. இது தொடர்பாக 14 பேர் மீது வழக்குப்பதிவு செய்யப்பட்டுள்ளது. இவர்களில் பெரும்பாலோர் கைது செய்யப்பட்டுள்ளனர்.

இறந்தவர்களில் 25 பேர் பொடாட் மாவட்டத்தில் உள்ள பல்வேறு கிராமங்களைச் சேர்ந்தவர்கள். 11 பேர் அகமதாபாத் மாவட்டத்தில் உள்ள மூன்று கிராமங்களைச் சேர்ந்தவர்கள். ஜெயேஷ் (எ) ராஜூ என்பவர், தான் மேலாளராக பணிபுரிந்த  அகமதாபாத்தில் உள்ள ஒரு குடோனில் இருந்து 600 லிட்டர் மெத்தில் ஆல்கஹாலை திருடி, அதை பொடாட்டை சேர்ந்த உறவினர் சஞ்சய் என்பவருக்கு ஜூலை 25ம் தேதி விற்றுள்ளார். இதை போடாட்டின் பல்வேறு கிராமங்களைச் சேர்ந்த சமூக விரோதிகளுக்கு சஞ்சய் விற்றுள்ளார். அவர்கள் அந்த ரசாயனத்தில் தண்ணீர் கலந்து விற்றுள்ளனர்,’ என்று தெரிவித்தார்.

About Author

Leave A Reply

முக்கிய குறிப்பு: வேர்ல்ட் பப்ளிக் நியூஸ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு வேர்ல்ட் பப்ளிக் நியூஸ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு editor@worldpublicnews.com என்ற இந்த இமெயில் முகவரிக்கு தொடர்பு கொள்ளவும்.