‘சிசேரியன்’ முறையில் குழந்தை: இரண்டாம் இடத்தில் தமிழகம்

0

”தகுந்த மருத்துவ காரணம் இன்றி, ‘சிசேரியன்’ எனப்படும், குழந்தை பிறப்புக்கான அறுவை சிகிச்சை செய்யும் டாக்டர்களின் பெயர்களை வெளியிட்டு, அவர்களை அவமதிக்க வேண்டும்,” என, மத்திய பெண்கள் மற்றும் குழந்தைகள் நலத்துறை அமைச்சர் மேனகா கூறியுள்ளார்.

புகார்கள்:

இயற்கையாக குழந்தை பிறப்பதை தவிர்த்து, சிசேரியன் அறுவை சிகிச்சை செய்யும் டாக்டர்கள் மீது நடவடிக்கை எடுக்கக் கோரி, ‘சேஞ்ச்.ஆர்க்’ இணையதளத்தில் புகார்கள் கூறப்பட்டுள்ளது. இதற்கு பதில் அளித்துள்ள, மத்திய பெண்கள் மற்றும் குழந்தைகள் நலத்துறை அமைச்சர், மேனகா, இதுதொடர்பாக, மத்திய சுகாதாரத்துறை அமைச்சர், ஜே.பி.நட்டாவுக்கும் கடிதம் எழுதியுள்ளார்.

போராட வேண்டும்:

இந்த விவகாரம் தொடர்பாக, அமைச்சர் மேனகா கூறியதாவது: தகுந்த மருத்துவ காரணங்கள் இன்றி, கர்ப்பிணிப் பெண்களுக்கு, டாக்டர்கள், சிசேரியன் அறுவை சிகிச்சை செய்யக்கூடாது. சட்டவிரோதமாக சிசேரியன் அறுவை சிகிச்சை செய்யும் டாக்டர்களின் பெயர்களை பொது வெளியில் தெரிவித்து, அவர்களை அவமானப்படுத்த வேண்டும்.

சிசேரியன் அறுவை சிகிச்சை மூலம் பிறக்கும் குழந்தைகளின் எண்ணிக்கை விகிதத்தை, அனைத்து மருத்துவமனைகளிலும், போர்டுகளில் எழுதி வைத்திருப்பதை, மத்திய சுகாதாரத்துறை அமைச்சகம் கட்டாயமாக்க வேண்டும். நாடு முழுவதும், பெண்கள் அனைவரும், சட்டவிரோதமான சிசேரியன் சிகிச்சைக்கு எதிராக ஒன்று சேர்ந்து போராட வேண்டும். இவ்வாறு அவர் கூறியுள்ளார்.

தமிழகம் 2வது இடம்:

நாட்டிலேயே அதிகமாக, தெலுங்கானாவில், அரசு மற்றும் தனியார் மருத்துவமனைகளில், 58 சதவீத குழந்தைகள், சிசேரியன் அறுவை சிகிச்சை மூலம் பிறக்கின்றன. அடுத்ததாக, தமிழகத்தில் உள்ள அரசு மற்றும் தனியார் மருத்துவமனைகளில், 34.1 சதவீத குழந்தைகள், சிசேரியன் மூலம் பிறக்கின்றன.

தெலுங்கானாவில், தனியார் மருத்துவமனைகளில் பிறக்கும் குழந்தைகளில், 74.9 சதவீதம், சிசேரியன் முறையில் பிறக்கின்றன. மேற்கு வங்கத்தில் உள்ள தனியார் மருத்துவமனைகளில் பிறக்கும் குழந்தைகளில், 70.9 சதவீதம், சிசேரியன் முறையில் பிறக்கின்றன.

நன்றி : தினமலர்

About Author

Leave A Reply

முக்கிய குறிப்பு: வேர்ல்ட் பப்ளிக் நியூஸ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு வேர்ல்ட் பப்ளிக் நியூஸ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு editor@worldpublicnews.com என்ற இந்த இமெயில் முகவரிக்கு தொடர்பு கொள்ளவும்.