Latest News
திமுக தலைவர் கருணாநிதி உடலுக்கு அரசியல் கட்சி தலைவர்கள், திரை பிரபலங்கள் அஞ்சலிபிரதமர் மோடி ராஜாஜி ஹாலுக்கு வருகை தந்து திமுக தலைவர் கருணாநிதி உடலுக்கு அஞ்சலி செலுத்தினார்புதுச்சேரியில் கருணாநிதிக்கு வெண்கல சிலை வைக்கப்படும்;திமுக தலைவர் கலைஞரின் உடலை மெரினா கடற்கரையில் அடக்கம் செய்ய அனுமதி: ஐகோர்ட் உத்தரவுதிமுக தலைவர் கலைஞர் கருணாநிதியின் உடலுக்கு முதல்வர், துணை முதல்வர், அமைச்சர்கள் அஞ்சலிராஜாஜி அரங்கத்தில் திமுக தலைவர் கருணாநிதியின் உடல்: பொதுமக்கள் அஞ்சலிக்காக வைக்கப்பட்டுள்ளதுதி.மு.க தலைவர் கருணாநிதி காலமானார்!! ஓய்வறியா சூரியன் ஓய்வெடுத்துக் கொண்டது

ஹைட்ரோ கார்பன் திட்டத்துக்கு எதிராக வடகாட்டில் நடைபெற்று வந்த போராட்டம் தற்காலிகமாக வாபஸ்

0

ஹைட்ரோ கார்பன் எனும் இயற்கை எரிவாயு எடுக்கும் திட்டத்தை மத்திய அரசு கைவிட வேண்டும் என வலியுறுத்தி வடகாட்டில் நடைபெற்று வந்த போராட்டம் நேற்று தற்காலிகமாக வாபஸ் பெறப்பட்டது.

புதுக்கோட்டை மாவட்டம், நெடுவாசலில் ஹைட்ரோ கார்பன் எனும் இயற்கை எரிவாயு எடுக்க உள்ளதாக மத்திய அரசு கடந்த பிப்.15-ம் தேதி அறிவித்தது. இதை எதிர்த்து நெடுவாசல், கோட்டைக்காடு, நல்லாண்டார் கொல்லையில் தொடர் போராட்டம் நடத்தப்பட்டது.

வடகாட்டில் மார்ச் 5-ம் தேதி போராட்டம் தொடங்கியது. மத்திய அரசு இந்தத் திட்டத்தை ரத்து செய்யாததால் கடந்த 2 நாட்களாக உண்ணாவிரத போராட்டமாக மாற்றப்பட்டது. நேற்று நடைபெற்ற போராட்டத்தை ஆதரித்து ஆலங் குடி சட்டப்பேரவை உறுப்பினர் சிவ.வீ.மெய்யநாதன் (திமுக) உள்ளிட்டோர் பேசினர்.

இதைத்தொடர்ந்து, வடகாட் டில் போராட்டத்தில் ஈடுபட்டோரிடம் ஆட்சியர் சு.கணேஷ் பேச்சு வார்த்தை நடத்தினார். அப்போது, எரிபொருள் சோதனைக்காக ஓஎன்ஜிசி நிறுவனத்தின் மூலம் அமைக்கப்பட்டுள்ள ஆழ்துளைக் கிணறுகளை மூடவேண்டும். எண் ணெய் நிறுவனங்களுக்கு மாவட்ட நிர்வாகம் எந்த அனுமதியும் அளிக்கக்கூடாது. ஹைட்ரோ கார்பன் திட்டத்தை தடுக்கும் வகையில் தீர்மானம் நிறை வேற்றுவதற்காக சிறப்பு கிராம சபைக் கூட்டத்தை கூட்ட உத்தரவிட வேண்டும்.

ஹைட்ரோ கார்பன் திட்டத்தை செயல்படுத்த ஒப்பந்தம் பெற் றுள்ள தனியார் நிறுவனம், மாவட்ட நிர்வாகத்துக்கு தொகை அளித் திருந்தால் அதை உரிய நிறுவனத் திடமே திருப்பி அளிக்க வேண்டும். அறவழி போராட்டத்தில் ஈடுபட்டோர் மீது காவல்துறை மூலம் வழக்கு பதிவு போன்ற எந்த நடவடிக்கையும் மேற்கொள்ளக்கூடாது என்பன உள் ளிட்ட 10 அம்சக் கோரிக்கைகளை ஆட்சியரிடம் போராட்டக் குழுவினர் தெரிவித்தனர்.

கோரிக்கைகள் மீது நடவடிக்கை எடுப்பதாக ஆட்சியர் சு.கணேஷ் உறுதியளித்தார். மேலும், இதற் கான உத்தரவாதத்தை எழுத்துப் பூர்வமாக மார்ச் 27-ம் தேதி தருவதாகவும் அவர் தெரிவித்தார். இதைத்தொடர்ந்து போராட்டத்தை தற்காலிகமாக வாபஸ் பெறுவதாக போராட்டக் குழுவினர் அறி வித்தனர்.

இதுகுறித்து ஆட்சியர் சு.கணேஷ், செய்தியாளர்களிடம் கூறியபோது, ”ஹைட்ரோ கார்பன் திட்டத்தை செயல்படுத்துவதற்கு அனுமதி பெறுவதற்காக ரூ.12 லட்சத்தை மாவட்ட நிர்வாகத்துக்கு, ஒப்பந்தம் பெற்றுள்ள தனியார் நிறுவனம் அனுப்பி வைத் துள்ளது.

தமிழக முதல்வர் எடப்பாடி பழனிசாமியின் உத்தரவுப்படி, இந்தத் திட்டத்துக்கு மாவட்ட நிர்வாகம் அனுமதி அளிக்காது என்பதால், அந்தத் தொகை உரிய நிறுவனத்துக்கே திருப்பி அனுப்பப்படும். போராட்டக் குழு வினரின் அனைத்து கோரிக்கை களையும் நிறைவேற்ற நடவடிக்கை எடுக்கப்படும்” என்றார்.

About Author

Leave A Reply

முக்கிய குறிப்பு: வேர்ல்ட் பப்ளிக் நியூஸ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு வேர்ல்ட் பப்ளிக் நியூஸ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு editor@worldpublicnews.com என்ற இந்த இமெயில் முகவரிக்கு தொடர்பு கொள்ளவும்.