Latest News
அதிகாரிகள் மெத்தனத்தால் உயிரிழப்பு: ஐகோர்ட் வேதனைஇந்தியாவின் பொருளாதாரம் பலவீனம் : ஐஎம்எப்60 வயதுக்கு பிறகு கிடைக்கும்: விவசாயிகளுக்கு மாதம் ரூ.3 ஆயிரம் ஓய்வூதியம் புதிய திட்டத்தை - பிரதமர் மோடி தொடங்கி வைத்தார்நாடு முழுவதும் வங்கிகள் இணைப்பை எதிர்த்து: அதிகாரிகள் 2 நாள் வேலைநிறுத்தம் - 25-ந்தேதி நள்ளிரவு முதல் நடக்கிறதுபற்றி எரியும் அமேசான் காடு: காட்டுத்தீயை அணைக்க களத்தில் இறங்கிய அதிபர்மேற்கு தொடர்ச்சி மலையோர மாவட்டங்களில் இன்று கனமழை வானிலை ஆய்வு மையம் தகவல்ஐ.என்.எக்ஸ். மீடியா முறைகேடு வழக்கு: ப.சிதம்பரத்திற்கு எதிரான ஆவணங்கள் சுப்ரீம் கோர்ட்டில் தாக்கல்காஷ்மீர்: அரசியல் தலைவர்கள் படிப்படியாக விடுதலை செய்யப்படுவார்கள் எனத்தகவல்வருமான வரி விகிதம் குறைகிறது - மத்திய அரசுக்கு நிபுணர்கள் குழு பரிந்துரைஜப்பானில் சக்தி வாய்ந்த நிலநடுக்கம் : ரிக்டர் அளவில் 6.1 ஆக பதிவு

சென்னை, வேலூர் உள்பட 9 இடங்களில் அதிரடி வருமானவரி சோதனை

0

சென்னை, வேலூர் உள்பட 9 இடங்களில் வருமான வரித்துறை அதிகாரிகள் நேற்று அதிரடி சோதனை நடத்தினார்கள். சோதனையில் ரூ.95 கோடி ரொக்கம், 120 கிலோ தங்கம் ஆகியவற்றையும் பறிமுதல் செய்தனர்.


ரகசிய தகவல்
பழைய ரூ.500, ரூ.1,000 நோட்டுகள் செல்லாது என்ற அறிவிப்புக்கு பிறகு, அது போன்ற நோட்டுகளை கணக்கில் காட்டாமல் வைத்திருப்பவர்களை பிடிக்கும் முனைப்போடு வருமான வரித்துறை அதிகாரிகள் பல்வேறு இடங்களில் அதிரடி சோதனை நடத்தி வருகின்றனர்.

அந்த வகையில், செல்லாது என்று அறிவிக்கப்பட்ட பழைய ரூ.500, ரூ.1,000 நோட்டுகளை தங்கமாகவும், புதிய ரூபாய் நோட்டுகளாகவும் சில தொழில் அதிபர்கள் மாற்றி வருவதாக வருமான வரித்துறையினருக்கு ரகசிய தகவல் கிடைத்தது.

சென்னையில் சோதனை
அந்த தகவலின் அடிப்படையில் சுமார் 100–க்கும் மேற்பட்ட வருமான வரித்துறை அதிகாரிகள் பல்வேறு குழுக்களாக பிரிந்து சென்னையில் நேற்று திடீர் சோதனை செய்தனர்.

சென்னையில் உள்ள தொழில் அதிபர்களான சேகர் ரெட்டி, சீனிவாச ரெட்டி மற்றும் பிரேம் ஆகியோருடைய வீட்டில் வருமான வரித்துறையினர் தீவிர சோதனையில் ஈடுபட்டனர். அதேபோல் அவர்களுக்கு சொந்தமான அலுவலகங்கள் மற்றும் நகைக்கடைகளிலும் சோதனை நடத்தப்பட்டது.

ரூ.95 கோடி, 120 கிலோ தங்கம்
அண்ணாநகர், தியாகராயநகர் அபிபுல்லா சாலையில் உள்ள ஜே.சி.எஸ்.நிறுவனம், வேலூர் உள்பட 9 இடங்களில் இந்த சோதனையை வருமான வரித்துறையினர் நடத்தினார்கள்.

மேலும் 9 இடங்களில் நடத்திய சோதனையில் சில முக்கிய ஆவணங்கள் பறிமுதல் செய்யப்பட்டு இருப்பதாகவும் வருமான வரித்துறை அதிகாரிகள் தெரிவித்தனர்.

சென்னை, வேலூர் உள்பட 9 இடங்களில் நேற்று ஒரே நேரத்தில் நடைபெற்ற இந்த சோதனையில் இரவு 7.30 வரை உள்ள நிலவரப்படி ரூ.95 கோடி ரொக்கமும், 120 கிலோ தங்கமும் பறிமுதல் செய்துள்ளதாக அதிகாரிகள் தரப்பில் கூறப்பட்டுள்ளது. பரிமுதல் செய்யப்பட்ட 120 கிலோ தங்கத்தில் 70 கிலோ தங்கம் சென்னையில் உள்ள நட்சத்திர ஓட்டலில் 2 அறைகளில் இருந்து பறிமுதல் செய்யப்பட்டுள்ளது. இவை அனைத்தும் 1 கிலோ தங்க கட்டிகளாக இருந்தன.

கைப்பற்றப்பட்டதில் ரூ.10 கோடி புதிய 2 ஆயிரம் ரூபாய் நோட்டுகள் ஆகும்.

நேற்று பிற்பகல் தொடங்கிய இந்த சோதனை நேற்று இரவு வரை நீடித்தது. இன்றும் (வெள்ளிக்கிழமை) வருமான வரித்துறை அதிகாரிகள் தொழில் அதிபர்களின் வீடுகள், அலுவலகங்களில் சோதனை நடத்த இருப்பதாகவும், அவர்களிடம் இருந்து மேலும் பணம், தங்கம் கிடைக்க வாய்ப்பு இருப்பதாகவும் அதிகாரிகள் கூறினர்.

விசாரணை
மேற்கூறப்பட்ட தொழில் அதிபர்களிடம் கருப்பு பணமாக பதுக்கி வைக்கப்பட்ட புதிய ரூபாய் நோட்டுகள், தங்கத்தை வெளிக்கொண்டு வரவே இந்த சோதனை நடத்தப்பட்டதாக வருமான வரித்துறை அதிகாரிகள் கூறினார்கள்.

சம்பந்தப்பட்ட தொழில் அதிபர்கள் சட்ட விரோதமான பண பரிமாற்ற மோசடியில் ஈடுபட்டார்களா? அல்லது முக்கிய தலைவர்களுக்கு முகவர்களாக செயல்பட்டார்களா? என்பது குறித்தும் விசாரணை நடைபெற்று வருவதாகவும் அவர்கள் தெரிவித்தனர்.

தொழில் அதிபர் சேகர் ரெட்டி தமிழக அரசின் பல்வேறு ஒப்பந்த பணிகளை எடுத்து செய்து வருவதாகவும் கூறப்படுகிறது.

About Author

Leave A Reply

முக்கிய குறிப்பு: வேர்ல்ட் பப்ளிக் நியூஸ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு வேர்ல்ட் பப்ளிக் நியூஸ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு editor@worldpublicnews.com என்ற இந்த இமெயில் முகவரிக்கு தொடர்பு கொள்ளவும்.