ராஜமவுலி இயக்கத்தில் பிரபாஸ், ராணா உள்ளிட்டோர் நடித்த  பாகுபலி மற்றும் அதன் இரண்டாம் பாகத்தில் நடிக்க வசதியாக பிரபாஸ் கடந்த 5 ஆண்டுகளாக வேறு எந்த படத்திலும் நடிக்கவில்லை.பிரபாஸ் பாகுபலி படத்தின் மூலம் சூப்பர் ஸ்டாராக உலகம் முழுவதும் பேசப்படும் நடிகராக உயர்ந்தார்.

பிரபாசின் தந்தை சூர்ய நாராயணராவ். பிரபல தெலுங்கு பட தயாரிப்பாளர் ஆவார். சென்னையில் வசித்த போது பிரபாஸ் பிறந்தார். அதன் பிறகு ஐதராபாத்துக்கு குடியேறினார்கள்.

பாகுபலிக்காக வீட்டில் ‘ஜிம்‘ நிறுவி உடற்பயிற்சியில் ஈடுபட்டார். பாகுபலி முதல் பாகத்துக்காக முதலில் தனது எடையை 22 கிலோ உயர்த்தினார். தொடக்கத்தில் வரும் ஷிவ்து கேரக்டருக்காக உடல் எடையை  குறைத்தார். தொடர்ந்து 2-ம் பாகத்துக்காக  தனது உடல் எடையை 105 கிலோவாக உயர்த்தினார்.

பிரபாஸ் புத்தகம் படிப்பதில் ஆர்வம் கொண்டவர். இதற்காக தனது வீட்டில் நூலகம்  வைத்துள்ளார். ஓய்வு நேரங்களில் நாவல்கள் படிப்பது வழக்கம்.பறவைகள் மீது பிரியம் கொண்டவர். பறவைக் களுக்காக தனி தோட்டம் அமைத்து அதில் ஏராளமான பறவைகளை  வளர்த்து வருகிறார்.

பாகுபலியில்  நடித்துக் கொண்டு  இருந்த போது ரூ.10 கோடி சம்பளத்தில் பல இந்திப் படங்களில் நடிக்க அழைப்பு வந்தது. ஆனால்  பாகுபலிக்காக அவற்றை யெல்லாம் புறக்கணித்து விட்டார். அடுத்து அவர் ‘ஷாகு’ என்ற  படத்தில் நடித்து வருகிறார். இந்தப் படம் 2018-ல் வெளியாகிறது. பாகுபலியைத் தொடர்ந்து ‘ஷாகு’ படத்துக்கு  எதிர்பார்ப்பு ஏற்பட்டுள்ளது.

பிரபாசுக்கு 37 வயதாகிறது,  இன்னும்  அவருக்கு திருமணம் ஆகவில்லை. பாகுபலி  வெற்றியைத் தொடர்ந்து அவருக்கு பெண் ரசிகைகள் எண்ணிக்கை அதிகரித்துள்ளது. இதில் 6,000 ரசிகைகள் பிரபாசை மணக்க விருப்பம் தெரிவித்துள்ளதாக ருசிகர தகவல் வெளியாகியுள்ளது

தெலுங்கு சினிமாவில் ’டார்லிங்’ என்பார்கள் பிரபாஸை. அங்கு அவருக்கு ஏராளமான ரசிகர், ரசிகைகள் இருப்பது வழக்கம்தான். ஆனால், வெளிநாடுகளிலும் இருக்கிறார்கள்.  ’பாகுபலி’ படத்துக்கு பிறகு பிரபாஸுக்கு ரசிகைகள் அதிகரித்து உள்ளனர்.

சரி, விஷயத்துக்கு வருவோம். பிரபாஸின் உருவத்தை தனது முதுகில் பச்சைக்குத்தி இருக்கிறார்கள் ரசிகை ஒருவர். இந்தப் புகைப்படம் சமூக வலைத்தளங்களில் வைரலாகி வருகிறது.

பிரபாசுக்கு அர்பணிக்கபட்டது என ஒரு வீடியோவும் வெளியிடப்பட்டு வைரலாகி வருகிறது