224 இடங்களைக் கொண்ட கர்நாடக சட்டசபையின் பதவி காலம் இந்த ஆண்டு மே 28 உடன் முடிவடைகிறது. தற்போது சித்தராமைய்யா தலைமையில் காங்., ஆட்சி நடைபெற்று வருகிறது.

கர்நாடகாவிலும் ஆட்சியை பிடிக்க பா.ஜ., திட்டமிட்டுள்ளது. இதன் காரணமாக தேர்தல் தேதி அறிவிக்கப்படுவதற்கு முன்னரே எடியூரப்பாவை முதல்வர் வேட்பாளராக அறிவித்து, பிரசார வேலைகளையும் பா.ஜ., துவக்கி உள்ளது. கர்நாடக சட்டசபை தேர்தலை தேர்தல் கமிஷன் எந்த நேரத்திலும் வெளியிடலாம் என எதிர்பார்க்கப்படுகிறது.

மார்ச் மாத இறுதியில் அல்லது ஏப்ரல் மாத துவக்கத்தில் தேர்தலை நடத்த தேர்தல் கமிஷன் திட்டமிட்டிருப்பதாக கூறப்படுகிறது. தற்போது பள்ளி பொதுத் தேர்வுகள் நடைபெற்று வருவதால், அவை முடிந்த பிறகு ஏப்ரல் 2வது வாரத்திலேயே தேர்தலை நடத்த அதிக வாய்ப்பு உள்ளதாக கூறப்படுகிறது.