Latest News
உலகின் மிகப்பெரிய விமானத்தின் முதல் பயணம் வெற்றிபேஸ்புக் வலைத்தளம் முடங்கியதால் அதிர்ச்சி வாட்ஸ்அப், இன்ஸ்டாகிராம் பக்கங்களும் செயலிழந்தன‘விவிபாட்’ எந்திரங்களின் பதிவுகளையும் எண்ணும் விவகாரம் சுப்ரீம் கோர்ட்டில் மீண்டும் முறையிட எதிர்க்கட்சிகள் முடிவுபிரதமர் மோடி பிரசார மேடைக்கு கீழே திடீர் தீ விபத்துதமிழகத்தில் பிரசாரம் நாளை ஓய்கிறது: தேர்தல் கமிஷன் தீவிர கண்காணிப்பு பாதுகாப்பு பணிக்கு துணை ராணுவம் வருகைதேர்தலுக்கு பிறகு தான் எனது அரசியல் வாழ்க்கை தொடங்கும் மு.க.ஸ்டாலினுக்கு, எடப்பாடி பழனிசாமி பதில்இந்தியாவில் மனிதர்களின் வாழ்நாள் அதிகரித்து கொண்டே வருகிறது.- ஐ.நா. அறிக்கைதூத்துக்குடி ஸ்டெர்லைட் ஆலையை திறக்க கோரி வேதாந்த நிறுவனம் தொடர்ந்த வழக்கை சுப்ரீம் கோர்ட் தள்ளுபடி செய்ததுசென்னை, நாமக்கல், திருநெல்வேலி உட்பட தமிழகத்தில் 18 இடங்களில் வருமான வரித்துறையினர் அதிரடி சோதனைமோடி பிரசார பகுதியில் இறங்க வேண்டிய ராணுவ ஹெலிகாப்டர், ராகுல் காந்தி பேசும் மேடை அருகே இறங்கியது

ஓரினச்சேர்க்கை சர்ச்சை – வெஸ்ட் இண்டீஸ் வீரருக்குத் தடை !

0

இங்கிலாந்து வீரர் ஜோ ரூட்டை இழிவுபடுத்தும் விதமாகப் பேசிய வெஸ்ட் இண்டீஸ் வீரர் கேப்ரியல் ஷனனுக்கு 4 போட்டிகளில் விளையாடத்தடை விதிக்கப்பட்டுள்ளது.

வெஸ்ட் இண்டீஸ் அணிக்கு சுற்றுப்பயணம் மேற்கொண்டுள்ள இங்கிலாந்து அணி அங்கு 3 டெஸ்ட் போட்டிகள் கொண்ட தொடரில் விளையாடி 2 போட்டிகளில் தோல்வியடைந்து தொடரை இழந்தது. சமீபத்தில் நடந்து முடிந்த மூன்றாவது டெஸ்ட் போட்டியில் 232 ரன்கள் வித்தியாசத்தில் வெற்றி பெற்றது. இந்த போட்டியின் நான்காம் நாள் ஆட்டத்தின் போது வெஸ்ட் இண்டீஸ் பவுலர் கேப்ரியல் ஷனன், பேட் செய்து கொண்டிருந்த இங்கிலாந்து கேப்டன் ஜோ ரூட்டை நோக்கி கேலி செய்யும் விதமாகப் பேசியுள்ளார். அப்போது ஓரினச்சேர்க்கைக் குறித்த இழிவான சில வசைகளையும் அவரிடம் கூறியுள்ளார். அதற்கு நிதானமாக பதிலளித்த இங்கிலாந்து கேப்டன் ரூட் ‘ஓரினச்சேர்க்கை ஒன்றும் கேவலமான விஷயம் இல்லை. அதனைக் கேலி செய்யாதீர்கள்’ எனக் கூறினார்.

இதில் ஜோ ரூட் சொன்ன விஷயம் ஸ்டம்ப் மைக்குகளில் தெளிவாகக் கேட்டுள்ளது. ஆனால் வெஸ்ட் இண்டீஸ் பவுலர் கேப்ரியல் என்னக் கூறினார் என்பது மைக்கில் கேட்கவில்லை. இது தொடர்பாக போட்டி நடுவர்கள் கேப்ரியலிடம் விசாரணை மேற்கொண்டனர். விசாரணையில் கேப்ரியல் தான் தவறாகப் பேசியதை ஒத்துக்கொண்டுள்ளார். அதனால் அவருக்கு அடுத்து வரும் நான்குப் போட்டிகளில் விளையாட ஐசிசி தடை விதித்துள்ளது. மேலும் அவருக்குப் போட்டி ஊதியத்தில் இருந்து 75% பிடிக்கப்பட்டுள்ளது.

கேப்ரியல் மீதான் இந்த நடவடிக்கை ஐசிசி விதிகள் 213 -ன் கீழ் எடுக்கப்பட்டுள்ளதாகும். இந்த விதியின் படி ஒரு வீரர், அவரின் உதவியாளர், நடுவர், போட்டியின் மூன்றாவது நடுவர் ஆகியோரைச் சர்வதேச போட்டிகளில் தகாத வார்த்தைகளி்ல் திட்டுவது தண்டனைக்குரியதாகும். கேபரியல் ஏற்கனவே பாகிஸ்தான் மற்றும் வங்கதேச அணிகளுக்கு எதிராக இதுபோல விதிகளை மீறி ஒழுங்கு நடவடிக்கை எடுக்கப்பட்டுள்ளார் என்பது குறிப்பிடத்தக்கது.

ஓரினச்சேர்க்கை உலகம் முழுவதும் பல நாடுகளில் ஏற்றுக்கொள்ளப்பட்டு சட்டப்பூர்வமாக்கப்பட்டு வருகிறது. மேலும் பல நாடுகளில் ஓரினச் சேர்க்கையாளர்களுக்கு ஆதரவாக குரல்கள் எழுந்து வரும் சூழ்நிலையில் பலக் கோடிக்கணக்கான ரசிகர்கள் பார்க்கும் கிர்க்கெட் போட்டியில் இது போன்ற சம்பவங்கள் நடந்துள்ளது வருத்தத்திற்குரியது. வீரர்கள் கிரிக்கெட் மட்டுமல்லாமல் மாறிவரும் உலகத்தைப் புரிந்து கொண்டு தனிமனித சுதந்திரம் மற்றும் தேர்வுகளை இழிவுப்படுத்தக்கூடாது எனக் குரல்கள் எழுந்துள்ளன.

About Author

Leave A Reply

முக்கிய குறிப்பு: வேர்ல்ட் பப்ளிக் நியூஸ் இணையதளத்தில் செய்திகளுக்கும் கட்டுரைகளுக்கும் வாசகர்கள் பதிவு செய்யும் கருத்துக்கள் ஆசிரியர் குழுவால் தணிக்கை செய்யப்பட்டு பிரசுரமாகும் வகையில் மென்பொருள் வடிவமைக்கப்பட்டுள்ளது. வாசகர்களின் கருத்துக்களுக்கு வேர்ல்ட் பப்ளிக் நியூஸ் நிர்வாகமோ அல்லது அதன் ஆசிரியர் குழுவோ எந்தவிதத்திலும் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி வாசகர்களை கேட்டுக்கொள்கிறோம். வாசகர்கள் பதிவு செய்யும் கருத்துக்கள் தொடர்பான சட்டரீதியான நடவடிக்கைகளுக்கு வாசகர்களே முழுப்பொறுப்பு ஆவர் . கடுமையான கருத்துக்கள் குறித்து எங்கள் கவனத்திற்கு கொண்டு வந்தால் அவற்றை நீக்க நடவடிக்கை எடுக்கப்படும். கடுமையான கருத்துக்களை நீக்குவதற்கு editor@worldpublicnews.com என்ற இந்த இமெயில் முகவரிக்கு தொடர்பு கொள்ளவும்.