ஐ.நா., பொதுச்சபை தலைவராக ஸ்லோவேக்கிய நாட்டு வெளியுறவு அமைச்சர் மிரோஸ்லாவ் லாஜ்காக் தேர்வு செய்யப்பட்டுள்ளார். ஐ.நா.,வின் தலைவராக பிஜி தீவுகளைச் சேர்ந்த பீட்டர் தாம்சன் பதவி வகித்து வருகிறார். இவருடைய பதவிக்காலம் செப்டம்பர் மாதத்துடன் நிறைவடைகிறது. இதனையடுத்து, புதிய தலைவராக ஸ்லோவேக்கிய நாட்டு வெளியுறவு மற்றும் ஐரோப்பிய விவகாரங்களுக்கான அமைச்சர் மிரோஸ்லாவ் லாஜ்காக் தேர்வு செய்யப்பட்டுள்ளார். இதற்கான அறிவிப்பை ஐ.நா பொதுச் செயலாளர் அண்டோனியோ கட்ரஸ் வெளியிட்டுள்ளார்.