இந்தியில் கங்கனா ரனாவத் நடிப்பில் வெளியான படம் ‘குயின்’. இது தற்போது தமிழ், தெலுங்கு, மலையாளம், கன்னடத்தில் தயாராகிறது.

இந்தியில் கங்கனா ரனாவத் நடித்த வேடத்தில் தமிழில் காஜல் அகர்வால் நடிக்கிறார். தெலுங்கில் தமன்னா மலையாளத்தில் மஞ்சிமா மோகன், கன்னடத்தில் பருல் யாதவ் ஆகியோர் அந்த வேடத்தில் நடிக்கிறார்கள்.

இந்த படத்தின் படப்பிடிப்பு தற்போது பிரான்ஸ் நாட்டில் தொடங்கி இருக்கிறது. இதற்காக 4 மொழிகளில் நடிக்கும் நடிகைகளும் ஒரே நேரத்தில் பிரான்ஸ் நாட்டுக்கு சென்றுள்ளனர். இங்கு இவர்கள் 4 பேருக்குமான படப்பிடிப்பு தனித்தனியாக நடக்கிறது. இதில் தமிழ், கன்னட மொழி படங்களை ரமேஷ் அரவிந்த் இயக்குகிறார்.