தேர்தலுக்கு ஒருசில தினங்களே உள்ள நிலையில் ஆளும் காங்கிரஸ், எதிர்க்கட்சியான பாஜக தலைவர்கள் தீவிர பிரச்சாரத்தில் ஈடுபட்டு வருகின்றனர்.

முதல்வர் வீரபத்ர சிங் நேற்று ட்விட்டரில் வெளியிட்ட பதிவில் கூறியிருப்பதாவது: இந்தியாவை பெண்கள் கட்டி எழுப்புகின்றனர் என்று பிரதமர் நரேந்திர மோடி புகழாரம் சூட்டினார். உண்மையில் அவர், பெண்களின் நலனுக்கு எதிராக செயல்பட்டு வருகிறார்.

மகளிர் இடஒதுக்கீடு மசோதா கடந்த 2010 மார்ச் 9-ம் தேதி மாநிலங்களவையில் நிறைவேற்றப்பட்டது. மக்களவையில் பாஜகவுக்கு தற்போதுள்ள பெரும்பான்மையை பயன்படுத்தி இந்த மசோதாவை நிறைவேற்ற வேண்டும் என்று காங்கிரஸ் தலைவர் சோனியா காந்தி கடந்த செப்டம்பர் 21-ம் தேதி பிரதமர் நரேந்திர மோடிக்கு கடிதம் எழுதினார். இந்த மசோதாவை நிறைவேற்றாமல் பிரதமர் பெண்களுக்கு துரோகம் இழைத்துவிட்டார்.

இவ்வாறு அவர் தெரிவித்துள்ளார்.