மேகாலயா, நாகாலாந்து மற்றும் திரிபுரா ஆகிய வடகிழக்கு மாநிலங்களில் அடுத்த ஆண்டு சட்டசபை தேர்தல் நடக்க இருக்கிறது.

இதையொட்டி அந்த மாநிலங்களில் மேற்கொள்ள வேண்டிய தேர்தல் முன் ஏற்பாடுகள் குறித்து 3 மாநிலங்களின் தலைமை தேர்தல் அதிகாரிகளுடன் இந்திய தேர்தல் கமி‌ஷன் இன்று(திங்கட்கிழமை) ஆலோசனை நடத்துகிறது.

டெல்லியில் நடைபெறும் இந்த ஆலோசனை கூட்டத்தில், 3 மாநிலங்களிலும் தேர்தலின் போது அனைத்து வாக்குச்சாவடிகளிலும் வாக்காளர்களுக்கு ஒப்புகை சீட்டு வழங்கும் எந்திரங்களை பயன்படுத்துவது உள்ளிட்ட பல்வேறு முக்கிய வி‌ஷயங்கள் குறித்து விவாதிக்கப்படும் என தெரிகிறது.

இந்த ஆலோசனை கூட்டத்தை தொடர்ந்து தேர்தல் கமி‌ஷன் அதிகாரிகள் 3 மாநிலங்களுக்கும் சென்று கள நிலவரங்களை பார்வையிடுவார்கள் என கூறப்பட்டு உள்ளது.