சீன ஓபன் சூப்பர் சீரிஸ் பேட்மிண்டன் போட்டி புஜோவ் நகரில் நடந்து வருகிறது. இதன் பெண்கள் ஒற்றையர் பிரிவில் நேற்று நடந்த கால்இறுதியில் உலக தரவரிசையில் 2-வது இடத்தில் இருக்கும் இந்திய வீராங்கனை பி.வி.சிந்து, 89-ம் நிலை வீராங்கனையான சீனாவின் காவ் பாங்ஜியை சந்தித்தார். 37 நிமிடம் நடந்த இந்த மோதலில் சிந்து 11-21, 10-21 என்ற நேர்செட்டில் காவ் பாங்ஜியிடம் அதிர்ச்சி தோல்வி கண்டு வெளியேறினார். இத்துடன் இந்த தொடரில் இந்தியாவின் சவால் முடிவுக்கு வந்தது.