இந்தியா- வெஸ்ட் இண்டீஸ் அணிகளுக்கு எதிரான முதல் டெஸ்ட் கிரிக்கெட் போட்டி, ராஜ்கோட்டில் நடைபெற்று வருகிறது. இப்போட்டியில் டாஸ் வென்ற இந்திய அணி முதலில் பேட்டிங்கை தேர்வு செய்தது. இதன்படி, இந்திய அணி முதலில் பேட்டிங் செய்தது. இந்திய அணியில் இளம் பிரித்வி ஷா இன்றைய போட்டியில் அறிமுக வீரராக களம் இறங்கினார்.

துவக்க ஆட்டக்காரராக லோகேஷ் ராகுலும்(0) , பிரித்விஷாவும் களம் இறங்கி விளையாடினர். லோகேஷ் ராகுல் ஏமாற்றிய போதிலும் மறுமுனையில் பிரித்விஷா அபார ஆட்டத்தை வெளிப்படுத்தி வந்தார். அனுபவ வீரர் புஜாராவுடன் இணைந்து சிறப்பான ஆட்டத்தை வெளிப்படுத்திய பிரித்விஷா சதம் அடித்து அசத்தியுள்ளார்.