சர்வதேச சந்தையில் கச்சா எண்ணெய் விலைக்கு ஏற்ப இந்தியாவில் எண்ணெய் நிறுவனங்கள் பெட்ரோல் மற்றும் டீசல் விலையை தினந்தோறும் நிர்ணயிக்கும் முறைக்கு மத்திய அரசு அனுமதி வழங்கியது.

இதனை தொடர்ந்து பெட்ரோல் மற்றும் டீசல் விலை தொடர்ந்து உயர்ந்து வந்தது. இதனால் வாகன ஓட்டிகள் கடும் அதிருப்தி அடைந்தனர். இந்த நிலையில் கடந்த 10 நாட்களாக இவற்றின் விலை குறைந்து வந்தது.
இந்நிலையில், சென்னையில் இன்று பெட்ரோல் விலை லிட்டர் ஒன்றுக்கு 42 காசுகள் குறைந்து ரூ.83.18க்கும், டீசல் விலை 35 காசுகள் குறைந்து ரூ.78.29க்கும் விற்பனை செய்யப்படுகின்றது.