சர்வதேச டேபிள் டென்னிஸ் சம்மேளனம் வீரர், வீராங்கனைகளின் புதிய தரவரிசை பட்டியலை நேற்று வெளியிட்டது. இதில் காமன்வெல்த் விளையாட்டு சாம்பியனான இந்திய வீராங்கனை மானிகா பத்ரா 2 இடங்கள் முன்னேறி 53-வது இடத்தை பிடித்துள்ளார். இது அவரது சிறந்த தரநிலையாகும். டாப்-100 இடங்களுக்குள் உள்ள ஒரே இந்திய வீராங்கனை அவர் தான்.
காமன்வெல்த் விளையாட்டில் 3 பதக்கம் வென்ற தமிழகத்தை சேர்ந்த சத்யன் ஒரு இடம் ஏற்றம் கண்டு, தனது சிறந்த தரவரிசையாக 35-வது இடத்தை பிடித்துள்ளார். மற்றொரு தமிழக வீரர் சரத்கமல் 31-வது இடத்தில் நீடிக்கிறார்.