பிரதமர் நரேந்திர மோடியின் வாழ்க்கை வரலாற்றை சித்தரிக்கும் திரைப்படம் “பிஎம் நரேந்திர மோடி”. இந்தி நடிகர் விவேக் ஓபராய் இந்த படத்தில் நரேந்திர மோடியாக நடித்துள்ளார்.

ஏப்ரல் 12 ல் வெளியாவதாக இருந்த இந்த படம் அப்போது தேர்தல் பிரச்சாரங்கள் நடைபெற்றுக்கொண்டிருந்ததால் தேர்தல் விதிமுறைகளுக்கு உட்பட்டு தடை செய்யப்பட்டது. தற்போது அனைத்து தேர்தல்களும் முடிந்து நேற்று தேர்தல் முடிவுகளும் அறிவிக்கப்பட்ட நிலையில் இன்றே படம் ரிலீஸாகியுள்ளது. ஏற்கனவே இந்தியா முழுவதும் பாஜக வெற்றிபெற்று விட்டதை கொண்டாடும் வகையில் பாஜக தொண்டர்கள் பலர் கூட்டம் கூட்டமாக திரையரங்கத்திற்கு சென்றபடி உள்ளனர்.

இதுமட்டுமல்லாமல் உலகம் முழுக்க அமெரிக்கா, லண்டன், மலேசியா என் மொத்தம் 38 நாடுகளில் படம் ரிலீஸ் ஆகியிருக்கிறது. படம் பல கோடிகளை வசூல் செய்து பாக்ஸ் ஆபிஸில் இடம் பிடிக்கும் என பாஜக வினர் ஆவலோடு காத்திருக்கின்றனர்.