சென்னை,

நில அபகரிப்பு வழக்கில் அதிமுக முன்னாள் அமைச்சர் ஜெயக்குமாருக்கு நிபந்தனை ஜாமின் வழங்கியது சென்னை ஐகோர்ட்டு. திருச்சியில் 2 வாரம் தங்கி இருந்து கண்டோன்மென்ட் போலீஸ் நிலையத்தில் கையெழுத்திட வேண்டும் என ஐகோர்ட்டு நிபந்தனையுடன் ஜாமீன் வழங்கியது. மேலும்  திருச்சியில் இருந்து வந்த பின் வாரந்தோறும் திங்கட்கிழமை விசாரணை அதிகாரி முன் ஆஜராக வேண்டும் என சென்னை ஐகோர்ட்டு அறிவுறுத்தி உள்ளது.

3 வழக்குகளிலும் ஜாமின் கிடைத்ததால் விரைவில் சிறையில் இருந்து ஜெயக்குமார் வெளியே வருகிறார். ஏற்கனவே திமுக தொண்டரை தாக்கியது, சாலை மறியல் வழக்குகளில் ஜெயக்குமாருக்கு ஜாமின் கிடைத்தது என்பது குறிப்பிடத்தக்கது.