இந்திய அணி சாம்பியன்ஸ் கோப்பை தொடரை முடித்த பின், மேற்கிந்திய தீவுகளில் சுற்றுப்பயணம் செய்து ஐந்து ஒருநாள் போட்டி மற்றும் ஒரு டி20 போட்டியில் விளையாடியது.

பின்னர் சில வீரர்கள் அமெரிக்காவில் விடுமுறையை கொண்டாடி வருகின்றனர்.

இந்திய கிரிக்கெட் அணியின் தலைவர் விராட் கோலியும் அங்கு விடுமுறையை கொண்டாடி வருகிறார்.

ஐபா சினிமா விருது விழாவுக்காக அமெரிக்கா சென்றுள்ள கோலியின் காதலி, அனுஷ்கா சர்மாவும் அவருடன் இணைந்துள்ளார். இருவரும் அங்கு பல்வேறு பகுதிகளில் ஜாலியாக சுற்றி வருகின்றனர்.

அந்த புகைப்படங்களை அவர்களே டுவிட்டரில் பதிவிட்டு வருகின்றனர்.

இந்நிலையில் கோலியும் அனுஷ்காவும் நியூயார்க்கில் மளிகை கடை ஒன்றில் இருக்கும் புகைப்படங்களை ரசிகர் ஒருவர் எடுத்து சமூக வலைத்தளங்களில் பதிவிட்டுள்ளார்.

இந்தப் புகைப்படம் சமூக வலைத்தளங்களில் வைரலாகி வருகிறது.