பேஸ்புக் நிறுவத்திற்கு சொந்தமான வாட்ஸ்-அப் செயலி உலகம் முழுவதும் சுமார் ஒரு மணி நேரத்திற்கு மேலாக செயல்படாமல் முடங்கியது. வாட்ஸ்-அப் செயலியின் வாயிலாக செய்திகள் செல்லாத நிலையே நீடித்தது. வாட்ஸ்-அப் பயனாளர்கள் பிற சமூக வலைதளங்களில் இதுதொடர்பான புகார்களை தெரிவிக்க தொடங்கினர். சர்வர் பிரச்சினை காரணமாகவே வாட்ஸ்-அப் செயலி செயல்பாட்டில் பிரச்சினை நேரிட்டதாக தெரிவிக்கப்படுகிறது. வாட்ஸ்-அப் செயலியில் செய்திகள் மட்டும் நகர்வின்றி காணப்பட்டது.

ஐரோப்பிய மற்றும் ஆசிய நாடுகளில் வாட்ஸ்-அப் சேவை முடங்கியதாக தெரிகிறது.

வாட்ஸ்-அப் செயலிழந்தது என டுவிட்டரில் செய்திகள் வெளியிடப்பட்டு வருகிறது. #whatsappdown என்ற ஹேஸ் டேக் பயன்படுத்தி உலகம் முழுவதும் பயனாளர்கள் தங்களுடைய அனுபவங்களை பகிர்ந்தனர். இப்போது வாட்ஸ் – அப் செயலி செயல்பட தொடங்கியது.

கடந்த மே மாதமும் உலகம் முழுவதும் வாட்ஸ் – அப் செயலி செயல்படாமல் முடங்கியது.

சென்னையில் மக்கள் தவிப்பு

சென்னையில் மழை காரணமாக தண்ணீர் தேங்கி நிற்கும் பகுதியில் இருக்கும் மக்கள் தங்களுடைய தகவல்களை தெரிவிக்க வாட்ஸ்-அப் செயலியை பயன்படுத்தி வருகிறார்கள். வாட்ஸ் அப் சேவை முடங்கியதால் பீதியடைந்தனர். இப்போது வாட்ஸ்-அப் செயல்பட தொடங்கியது.