கேரள மாநிலம் வரலாறு காணாத மழை, வெள்ளத்தால் கடுமையாக பாதிக்கப்பட்டு உள்ளது. இந்தநிலையில், காங்கிரஸ் தலைவர் ராகுல்காந்தி வெள்ளச் சேத பகுதிகளை இன்றும் (செவ்வாய்க்கிழமை), நாளையும் பார்வையிடுகிறார். இதுபற்றி ராகுல்காந்தி தனது டுவிட்டர் பதிவில் தெரிவித்து உள்ளார்.

இந்த 2 நாட்களிலும் அவர் வெள்ளத்தால் பாதிக்கப்பட்ட மீனவர்கள், தன்னலம் கருதாமல் தொடர்ந்து சேவை செய்து வரும் தன்னார்வலர்கள், நிவாரணம் வேண்டுவோருக்கு உதவி வருகிறவர்கள் ஆகியோரை சந்தித்தும் பேசுகிறார். மேலும் பல்வேறு நிவாரண முகாம்களில் தங்கியிருக்கும் பொதுமக்களையும் ராகுல்காந்தி சந்தித்து ஆறுதலும் கூறுகிறார்.