திமுக தலைவர் கருணாநிதியின் மறைவுக்குப் பிறகு, கட்சியின் பொதுக்குழு கூட்டம் சென்னை அண்ணா அறிவாலயத்தில் இன்று நடைபெற்றது. இந்த கூட்டத்தில் திமுக தலைவராக மு.க ஸ்டாலின் முறைப்படி அறிவிக்கப்பட்டார். அதேபோல், திமுக பொருளாளராக துரைமுருகன் அறிவிக்கப்பட்டார்.

திமுக தலைவராக தேர்வு செய்யப்பட்ட மு.க ஸ்டாலினுக்கு, மேற்கு வங்க முதல்வர் மம்தா பானர்ஜி வாழ்த்து தெரிவித்துள்ளார். மம்தா பானர்ஜி தனது டுவிட்டரில் வெளியிட்டுள்ள வாழ்த்துச்செய்தியில், “ திமுகவின் தலைவராக தேர்வு செய்யப்பட்டுள்ள மு.க ஸ்டாலினுக்கு எனது வாழ்த்துக்களை தெரிவித்துக்கொள்கிறேன்” என்று தெரிவித்துள்ளார்.