ஆப்கானிஸ்தானின் வட பகுதியில் அமைந்துள்ளது பால்க் மாகாணம். இங்குள்ள தெக்தாதி மாவட்டத்தில் இருந்து தனியார் நிறுவனத்துக்கு சொந்தமான ஹெலிகாப்டர் ஒன்று நேற்று முன்தினம் புறப்பட்டு சென்றது.

ஹெலிகாப்டரில் ஆப்கான் ராணுவ வீரர்கள் 11 பேரும், உக்ரைன் நாட்டை சேர்ந்த விமான ஊழியர்கள் 3 பேரும் இருந்தனர். ஹெலிகாப்டர் புறப்பட்டு, வானில் பறக்க தொடங்கிய சில நிமிடங்களில் திடீரென தரையில் விழுந்து நொறுங்கியது.

அதனை தொடர்ந்து ஹெலிகாப்டர் தீப்பிடித்து எரிந்தது. இதில் 11 ராணுவ வீரர்களும், விமான ஊழியர்கள் 2 பேரும் சம்பவ இடத்திலேயே உடல் கருகி பலியாகினர். ஒரு ஒரே விமான ஊழியர் மட்டும் அதிர்ஷ்டவசமாக உயிர் தப்பினார்.

எந்திர கோளாறு காரணமாக விபத்து நேரிட்டிருக்கலாம் என கூறப்படுகிறது. எனினும் ஹெலிகாப்டர் விபத்து குறித்து தீவிரமாக விசாரிக்கப்படுகிறது.