பழநி முருகன்கோயில் உண்டியலில் 22 நாட்களில் ரூ. ஒரு கோடியே 54 லட்சத்து 38ஆயிரம் வசூலாகியுள்ளது.

பழநி மலைக்கோயில் கார்த்திகை மண்டபத்தில் உண்டியல் எண்ணிக்கை நடந்தது. இதில் ரொக்கமாக ரூ. ஒருகோடியே 54 லட்சத்து 38 ஆயிரத்து 178ம், தங்கம் 845கிராம், வெள்ளி 8 ஆயிரத்து 850 கிராம், வெளி நாடுகளின் கரன்சி 517 கிடைத்துள்ளது. தங்கத்தில் திருமாங்கல்யம், வேல், வெள்ளி பாதம், கொலுசு, வீடு போன்றவையும் காணிக்கையாக கிடைத்தன.
இணை ஆணையர் ராஜமாணிக்கம், வங்கிப்பணியாளர்கள், கோயில் பணியாளர்கள், கல்லுாரி மாணவர்கள் உட்பட பலர் பங்கேற்றனர். நாளையும் (மார்ச் 23ல்) உண்டியல் எண்ணிக்கை தொடர்கிறது.