டில்லியில் போராட்டம் நடத்திவரும் தமிழக விவசாயிகளுக்கு ஆதரவாக, இன்று(ஏப்., 3) தமிழகத்தில் பொது வேலைநிறுத்தம் நடத்தப்படும் என அறிவிக்கப்பட்டுள்ளது. இதற்கு தி.மு.க., உள்ளிட்ட பல்வேறு கட்சிகளும் ஆதரவு தெரிவித்துள்ளன.

இதுகுறித்து தமிழ்நாடு விவசாயிகள் சங்கங்களின் கூட்டியக்கம் அறிவித்ததாவது: பல்வேறு கோரிக்கைகளை வலியுறுத்தி, இன்று(ஏப்., 3) தமிழகத்தில் பொது வேலைநிறுத்தம் நடத்தப்பட உள்ளது. இதற்கு தி.மு.க., காங்., த.மா.க., இ.கம்யூ., உள்ளிட்ட பல்வேறு கட்சிகள் ஆதரவு தெரிவித்துள்ளன.

கோரிக்கைகள்:

* வேளாண் கடனை தள்ளுபடி செய்யவேண்டும்
* தேசிய மயமாக்கப்பட்ட வங்கிகளில் விவசாயிகள் பெற்ற அனைத்து கடன்களையும் தள்ளுபடி செய்ய வேண்டும்.
* அண்டை மாநிலங்கள் புதிதாக அணை கட்டுவதை தடுத்து நிறுத்த வேண்டும்.
* காவிரி மேலாண் வாரியம் அமைக்க வேண்டும்.
* வறட்சியால் பாதிக்கப்பட்ட ஏக்கருக்கு ரூ.25,000 நிவாரணம் வழங்க வேண்டும்.
* நெடுவாசல் ஹைட்ரோ கார்பன் திட்டத்துக்கு தடை விதிக்க வேண்டும்.
* பயிர்கள் கருகியதால், தற்கொலை செய்தும், அதிர்ச்சியிலும் இறந்த விவசாயிகள் குடும்பத்துக்கு தலா ரூ.10 லட்சம் நிவாரணம் வழங்க வேண்டும்