ஐபிஎல் தொடரில் இன்று இரவு 8 மணிக்கு பிளே ஆப் சுற்றின் முதல் போட்டியில் மும்பை இந்தியன்ஸ் – ரைசிங் புனே சூப்பர்ஜெயன்ட் அணிகள் மோதுகின்றன. இதில் வெற்றி பெறும் அணி நேரடியாக இறுதிப் போட்டிக்கு தகுதி பெறும். மாறாக தோல்வி அடையும் அணிக்கு இன்னொரு வாய்ப்பு கிடைக்கும்.

8 அணிகள் கலந்து கொண் டுள்ள ஐபிஎல் 10-வது சீசனின் லீக் ஆட்டங்கள் அனைத்தும் நேற்று முன்தினம் முடிவடைந்தது. இதில் புள்ளிகள் பட்டியலில் முதலிடம் பிடித்த மும்பை இந்தியன்ஸ் (20), 2-வது இடம் பிடித்த ரைசிங் புனே சூப்பர் ஜெயன்ட் (18), 3-வது இடம் பிடித்த சன் ரைசர்ஸ் ஹைதராபாத் (17), 4-வது இடம் பிடித்த கொல்கத்தா நைட் ரைடர்ஸ் (16) ஆகிய அணிகள் பிளே ஆப் சுற்றில் விளையாட தகுதி பெற்றுள்ளன.

பிளே ஆப் சுற்றின் முதல் ஆட்டம் மும்பை வான்கடே மைதானத்தில் இன்று நடைபெறுகிறது. இதில் இரு முறை சாம்பியனான மும்பை அணி, எழுச்சி கண்டுள்ள புனே அணியுடன் மோதுகிறது. மும்பை அணி தனது கடைசி லீக் ஆட்டத்தில் கொல்கத்தாவை பந்தாடியிருந்தது.

இந்த ஆட்டத்தில் முன்னணி வீரர்கள் பலருக்கு ஓய்வு கொடுத்து அணியில் உள்ள மற்ற வீரர்களின் திறனை மும்பை அணி சோதித்து பார்த்தது. இதில் பேட்டிங்கில் கிடைத்த வாய்ப்பை சவுரவ் திவாரி (52), அம்பாட்டி ராயுடு (63) ஆகியோர் சரியாக பயன் படுத்தினர். மேலும் பந்து வீச்சில் வினய் குமார் (2), டிம் சவுத்தி (2) ஆகியோரும் சிறந்த பங்களிப்பை வழங்கினர்.

மும்பை அணி இந்த சீசன் முழுவதுமே பேட்டிங்கில் அசத்தி வருகிறது. சிம்மன்ஸ், பார்த்தீவ் படேல், கேப்டன் ரோஹித் சர்மா, பொலார்டு, நித்திஷ் ராணா ஆகியோரை கொண்ட அதிரடி பேட்டிங் வரிசை, எந்த வகையிலான பந்து வீச்சையும் துவம்சம் செய்யக் கூடியதாக உள்ளது. இந்த அதிரடி பட்டாளத்துக்கு புனே அணியும் விதிவிலக்காக இருக்காது என கருதப்படுகிறது.

சகோதரர்களான ஹர்திக் பாண்டியா, கிருனல் பாண்டியா ஆகியோர் ஆல்ரவுண்டர்களாக அணியின் தேவையை அறிந்து இந்த சீசன் முழுவதுமே பிரமாதமாக செயல்பட்டு வருகின்றனர். இத னால் மும்பையின் பேட்டிங் ஒட்டு மொத்தமாக மிரட்ட காத்திருக்கிறது.

வான்கடே மைதானம் இந்த சீசனில் ரன்குவிப்புக்கு சாதகமா கவே இருந்து வருகிறது. இதனால் மீண்டும் ஒரு முறை ரன்மழை பொழியக்கூடும் என எதிர்பார்க்கப் படுகிறது. இன்றைய ஆட்டத்தில் சிம்மன்ஸ் உடன் மீண்டும் பார்த்தீவ் படேல் தொடக்க வீரராக களமிறங்க உள்ளார்.

இந்த ஜோடி வழக்கம் போல் அதிரடி தொடக்கம் கொடுக்க முயற்சிக்கும். கடந்த சில ஆட்டங் களாக நித்திஷ் ராணா சோபிக்க தவறினார். இதனால் அவரது இடத்தில் அம்பாட்டி ராயுடு களமிறங்க வாய்ப்புள்ளது. பந்து வீச்சில் கடைசியாக வான்கடே மைதானத்தில் நடைபெற்ற ஆட்டத் தில் மும்பை பந்து வீச்சாளர்கள் 230 ரன்களை வாரி வழங்கினர்.இதனால் அந்த அணி பந்து வீச்சில் மேலும் முன்னேற்றம் காண வேண்டியது உள்ளது.

ஜஸ்பிரித் பும்ரா, கடைசி கட்ட ஓவர்களில் நேர்த்தியாக செயல்பட்டு வருகிறார். அவருக்கு ஹர்திக் பாண்டியாவும் உறுதுணை யாக உள்ளார். மலிங்கா, மெக்லீனகன் ஆகியோரும் சிறப் பாக செயல்படும் பட்சத்தில் புனே அணிக்கு நெருக்கடி கொடுக்க லாம். புனே அணி முதன் முறை யாக பிளே ஆப் சுற்றுக்கு முன்னேறி உள்ளது. கடந்த சீசனில் அறிமுகமான அந்த அணி 7-வது இடத்தையே பிடித்திருந்தது. இந்த சீசனில் முதற்கட்ட போட்டிகளில் கடும் விமர்சனங்களை சந்தித்த போதும், தொடரின் 2-வது கட்டத்தில் சிறப்பான வெற்றிகளை குவித்து பட்டியலில் 2-வது இடத்தை பிடித்துள்ளது.

வெற்றி பெற்றாக வேண்டும் என்ற நெருக்கடியான நிலையில் தனது கடைசி ஆட்டத்தில் பஞ்சாப் அணியை 9 விக்கெட்கள் வித்தியாசத்தில் வீழ்த்தி அசத்தியது. இதனால் புனே அணியின் நம்பிக்கை அதிகரித்துள்ளது.

வேகப்பந்து வீச்சாளர்களான ஜெயதேவ் உனத்கட், ஷர்துல் தாக்குர், டேனியல் கிறிஸ்டியன் ஆகியோர் இந்த ஆட்டத்தில் வெற்றி பெற முக்கிய பங்கு வகித்தனர். இவர்களுக்கு உறுதுணையாக ஆஸ்திரேலியாவை சேர்ந்த ஆடம் ஸம்பாவும் சிறப்பாக செயல்பட்டார்.

உனத்கட் இந்த சீசனில் 21 விக்கெட்கள் வீழ்த்தி அதிக விக்கெட்கள் வீழ்த்தியவர்களின் பட்டியலில் 2-வது இடத்தில் உள் ளார். இன்றைய ஆட்டத்திலும் அவர் மும்பை அணிக்கு சவால் தரக் கூடும்.

பேட்டிங்கில் 388 ரன்கள் குவித் துள்ள ராகுல் திரிபாதி நம்பிக்கை அளிப்பவராக உள்ளார். தொடக்க வீரராக அவருடன் களமிறங்கும் ரஹானே சீரான ஆட்டத்தை வெளிப் படுத்த தவறுகிறார். அவரும் சிறந்த பங்களிப்பை வழங்கினால் அணியின் பேட்டிங் மேலும் வலுப்பெறும்.

ரூ.14.5 கோடிக்கு ஏலம் எடுக்கப்பட்ட ஆல்ரவுண்டரான பென் ஸ்டோக்ஸ், தேசிய அணிக் கான (இங்கிலாந்து) பயிற்சி முகாமில் கலந்து கொள்வதற்காக தாயகம் சென்றுள்ளார். அவர் இல்லாதது புனே அணிக்கு பின்னடைவாகவே கருதப்படுகிறது.

ஸ்டோக்ஸ் இல்லாததால் பேட்டிங்கில் ஸ்மித், தோனி, மனோஜ் திவாரி ஆகியோருக்கு கூடுதல் சுமை ஏற்படக்கூடும். ஸ்டோக்ஸூக்கு பதிலாக நியூஸி லாந்தின் பெர்குசன் அல்லது ஆஸ்திரேலியாவின் உஸ்மான் கவாஜா களமிறக்கப்பட வாய்ப் புள்ளது. இவர்களில் ஒருவரை தேர்வு செய்வதை தவிர புனே அணிக்கு வேறு வழியில்லை.

இந்த சீசனில் லீக் ஆட்டங்களில் ஆதிக்கம் செலுத்திய மும்பை அணியை இரு முறை வீழ்த்தி யுள்ள ஒரே அணி புனே தான். இந்த நம்பிக்கையுடன் புனே அணி இன்றைய ஆட்டத்தை எதிர்கொள் கிறது. அதேவேளையில் லீக் ஆட்டத்தில் அடைந்த தோல்விக்கு பதிலடி கொடுக்கும் முனைப்பில் மும்பை அணி களமிறங்குகிறது.

இன்றைய ஆட்டத்தில் வெற்றி பெறும் அணி 21-ம் தேதி ஹைதரா பாத்தில் நடைபெறும் இறுதிப் போட்டிக்கு நேரடியாக தகுதி பெறும். தோல்வியை தழுவும் அணிக்கு மற்றொரு வாய்ப்பு உள்ளது. அதாவது தகுதி சுற்றில் 1-ல் தோல்வியடையும் அணி மே 19-ம் தேதி நடைபெறும் தகுதி சுற்று 2-ல் விளையாடும்.

இதில் அந்த அணி 17-ம் தேதி நடைபெறும் எலிமினேட்டர் ஆட்டத்தில் (ஹைதரபாத் – கொல்கத்தா) வெற்றி பெறும் அணியுடம் மோதும். இதில் வெற்றி பெறும் அணி, 2-வது அணியாக இறுதிப் போட்டிக்குள் நுழையும்.

புனே சூப்பர் ஜெயன்ட்ஸ்:

ஸ்டீவ் ஸ்மித் (கேப்டன்), தோனி, ஆடம் ஸம்பா, உஸ்மான் கவாஜா, அஜிங்க்ய ரஹானே, அசோக் திண்டா, அங்குஷ் பெய்ன்ஸ், ரஜத் பாட்டியா, அங்கித் சர்மா, ஈஸ்வர் பாண்டே, ஜஸ்கரன் சிங், பாபா அபராஜித், மயங்க் அகர்வால், டேனியல் கிறிஸ்டியன், பெர்குசன், ஜெயதேவ் உனத்கட், ராகுல் ஷகர், சவுரப் குமார், மிலிந்த் தாண்டன், ராகுல் திரிபாதி, மனோஜ் திவாரி, ஷர்துல் தாக்குர்.

மும்பை இந்தியன்ஸ்:

ரோஹித் சர்மா(கேப்டன்), ஜாஸ் பட்லர், பார்த்தீவ் படேல், நிக்கோலஸ் பூரன், கிருஷ்ணப்பா கவுதம், அம்பாட்டி ராயுடு, சிம்மன்ஸ், ஹெஜ்ரோலியா, கரண் சர்மா, சவுரப் திவாரி, அசெலா குணரத்னே, ஜான்சன், ஹர்பஜன் சிங், மிட்செல் மெக்லீனகன், ஸ்ரேயஸ் கோபால், சித்தேஷ் லாடு, வினய் குமார், கெய்ரோன் பொலார்டு, கிருனல் பாண்டியா, டிம் சவுத்தி, மலிங்கா, நித்திஷ் ரானா, ஹர்திக் பாண்டியா, ஜஸ்பிரித் பும்ரா,

பென் ஸ்டோக்ஸ்

புனே அணியால் ரூ.14.5 கோடிக்கு ஏலம் எடுக்கப்பட்ட இங்கிலாந்து ஆல்ரவுண்டரான பென் ஸ்டோக்ஸ் இந்த சீசனில், 12 ஆட்டங்களில் விளை யாடி தலா ஒரு சதம், அரை சதத்துடன் 316 ரன்கள் எடுத்துள்ளார். 22 பவுண்டரிகள், 15 சிக்ஸர்கள் அடித் துள்ளார். பந்து வீச்சில் 12 விக்கெட்கள் வீழ்த்தி உள்ளார்.

நேரம்: இரவு 8
இடம்: மும்பை
நேரடி ஒளிபரப்பு: சோனி சிக்ஸ்

2,074 ஓவர்கள்

55 லீக் ஆட்டங்களில் 2,074 ஓவர்கள் வீசப்பட்டுள்ளன. அதிக பட்சமாக மும்பை 270, புனே 269, கொல்கத்தா 266 ஓவர்கள் வீசி உள்ளன. ஹைதராபாத்தின் ரஷித் கான் அதிகபட்சமாக 52 ஓவர்கள் வீசி உள்ளார். இவருக்கு அடுத்தப்படியாக புவனேஷ்வர் குமார் 51, சுனில் நரேன் 51 ஓவர்கள் வீசி உள்ளனர்.

671 சிக்ஸர்கள்

லீக் ஆட்டங்களின் முடிவில் 671 சிக்ஸர்கள் விளாசப்பட்டுள்ளன. மும்பை அணி 104, குஜராத் 92, பஞ்சாப் 88 சிக்ஸர்கள் அடித்துள்ளன. அதிக சிக்ஸர்கள் அடித்தவர்களின் பட்டியலில் பஞ்சாப் வீரர் மேக்ஸ்வெல் (26) முதலிடத்தில் உள்ளார். வார்னர் 24, ரிஷப் பந்த் 24 அடுத்த இடங்களில் உள்னர்.

1,544 பவுண்டரிகள்

1,544 புவுண்டரிகள் இதுவரை அடிக்கப்பட்டுள்ளன. அதிகபட்ச மாக கொல்கத்தா 218 பவுண் டரிகள் அடித்துள்ளது. அடுத்த இடங்களில் குஜராத் (218), ஹைத ராபாத் (211) அணிகள் உள்ளன.

5 சதங்கள்

இந்த சீசனில் 5 சதங்கள் அடிக் கப்பட்டுள்ளன. பஞ்சாப் வீரர் ஹசிம் ஆம்லா இரு சதங்கள் அடித்துள்ளார். டெல்லியின் சஞ்சு சாம்சன், புனேவின் பென் ஸ்டோக்ஸ், ஹைதராபாத்தின் டேவிட் வார்னர் ஆகியோர் தலா ஒரு சதம் அடித்துள்ளனர்.

91 அரை சதங்கள்

இந்த சீசனில் 91 அரை சதங்கள் அடிக்கப்பட்டுள்ளன. இந்த பட்டியலில் கொல்கத்தா வீரர் ராபின் உத்தப்பா 5 அரை சதங்களுடன் முதலிடத்தில் உள்ளார். வார்னர், விராட் கோலி ஆகியோர் தலா 4 அரை சதங்களுடன் 2-வது இடத்தை பகிர்ந்து கொண்டுள்ளனர்.

விக்கெட்டில் டாப்

ஹைதராபாத் வேகப்பந்து வீச்சாளர் புவனேஷ்வர் குமார் இந்த சீசனில் 25 விக்கெட்கள் வீழ்த்தி அதிக விக்கெட்கள் கைப்பற்றியவர்களின் பட்டியலில் முதலிடத்தில் உள்ளார். புனே வீரான ஜெயதேவ் உனத்கட் (21), மும்பை வீரர் மெக்லீனகன் (18) அடுத்த இரு இடங்களில் உள்ளனர்.

ரன்குவிப்பில் டாப்

ரன்குவிப்பில் வார்னர் முதலிடத் தில் உள்ளார். அவர் 13 ஆட்டங் களில், ஒரு சதம், 4 அரை சதங் களுடன் 604 ரன்கள் குவித்துள் ளார். ஷிகர் தவண் 468, காம்பீர் 454 ரன்கள் குவித்து அடுத்த இரு இடங்களில் உள்ளனர்.

பிளே ஆப் சுற்று அட்டவணை

தகுதி சுற்று 1
மே 16 மும்பை – புனே

எலிமினேட்டர்
மே 17 ஹைதராபாத் – கொல்கத்தா

தகுதி சுற்று 2
மே 19 தகுதி சுற்று 1-ல் தோல்வி – எலிமினேட்டரில் வெற்றி பெறும் அணி