பாகுபலி 2 படத்தை மாறுவேடம் போட்டு சத்யம் தியேட்டருக்கு சென்று பார்த்துள்ளார் சூப்பர் ஸ்டார் ரஜினிகாந்த்.
ராஜமவுலி இயக்கத்தில் பிரபாஸ், அனுஷ்கா, ராணா, தமன்னா, சத்யராஜ் உள்ளிட்டோர் நடித்த பாகுபலி 2 படம் உலக அளவில் ரூ. 1, 300 கோடிக்கு மேல் வசூல் செய்துள்ளது.

விரைவில் ரூ. 1, 500 கோடியை எட்டி மீண்டும் புதிய சாதனை படைக்க உள்ளது

பாகுபலி 2 படம் கடந்த மாதம் 28ம் தேதி ரிலீஸானது. ஆனால் பாகுபலி 2 படம் ஓடும் தியேட்டர்களில் இன்னும் மக்கள் கூட்டம் நிரம்பி வழிகிறது. அதனால் படம் நிச்சயம் மேலும் பல சாதனைகள் படைக்கும் என்று எதிர்பார்க்கப்படுகிறது.

பாகுபலி 2 படத்தை ரஜினி ஏற்கனவே தனது வீட்டில் பார்த்துவிட்டு ட்விட்டரில் பாராட்டியிருந்தார். இந்நிலையில் அவருக்கு ரசிகர்களோடு ரசிகர்களாக சேர்ந்து படத்தை பார்க்கும் ஆசை ஏற்பட்டது.

ரஜினி மாறுவேடம் போட்டு சத்யம் தியேட்டருக்கு சென்று ரசிகர்களோடு ரசிகராக அமர்ந்து பாகுபலி 2 படத்தை பார்த்து ரசித்துள்ளார். தியேட்டரில் அவரை யாருக்கும் அடையாளம் தெரியவில்லை.

ரஜினி மாறுவேடம் போட்டு தியேட்டர் உள்ளிட்ட இடங்களுக்கு செல்வது புதிது அல்ல. ரசிகர்கள் கூட்டம் கூடிவிடாமல் இருக்க அவர் மாறுவேடத்தில் சுற்றுகிறார் என்பது குறிப்பிடத்தக்கது.