கொடைக்கானல் பேரிஜம் வனப்பகுதியில் காலை நேரத்தில் நடமாடிய புலி, வனத்துறை கண்காணிப்பு கேமராவில் சிக்கியது. இந்த ஆண்டுக்கான கணக்கெடுப்பில் 19 யானைகள் மற்றும் 7 புலிகள் கொடைக்கானல் வனப்பகுதிகளில் வசிப்பதாக கணக்கெடுத்துள்ளனர். தற்போது வனத்துறையின் காப்புக்காட்டில் புலிகளின் எண்ணிக்கை அதிகரித்துள்ளதாக தகவல் வெளிவந்துள்ளது. 2017 ஏப்ரலில் காலை 6:10 மணிக்கு பேரிஜம் ஒட்டியுள்ள வனப்பகுதியில் புலியின் நடமாட்டம் வனத்துறையின் கண்காணிப்பு கேமராவில் சிக்கியுள்ளது. பாதுகாக்கப்பட்ட வனப்பகுதிகளில் வசிக்கும் தேசிய விலங்கை வேட்டையாடாமல் பாதுகாக்க நடவடிக்கை எடுக்க வேண்டும். மேலும் வனப்பகுதிகளில் வசிக்கும் அரிய விலங்குகளையும் பாதுகாக்க வேண்டும் என, விலங்கியல் ஆர்வலர்கள் வலியுறுத்தியுள்ளனர்.