குழந்தையுடன் நடிகர் விஜய் கொஞ்சி விளையாடும் வீடியோ, சமூக வலைதளங்களில் வெளியாகி வைரலாகிவருகிறது.
முருகதாஸ் – விஜய் காம்போவில் தீபாவளியன்று திரைக்கு வரவிருக்கிறது `சர்கார்.’ இந்தப் படத்தின் டீசர் சமீபத்தில் வெளியாகி ரசிகர்களிடையே பெரும் வரவேற்பைப் பெற்றது. டீசர் மூலம் படத்தின் எதிர்பார்ப்பு அதிகரித்துள்ளது. படம் அரசியல் படம் என்பதை டீசர் உறுதிசெய்துள்ளது. இதனிடையே, விஜய் குழந்தையுடன் கொஞ்சும் வீடியோ ஒன்று வெளியாகியுள்ளது.
நடிகர் விஜய், தனது பிஸியான நேரத்திலும் குடும்பத்துக்காக நேரம் ஒதுக்குபவர். சமீபத்தில் அவர் தன் மகளுடன் கனடாவில் உள்ள தனியார் உணவகத்தில் இருக்கும் புகைப்படம் வெளியாகி செம வைரலானது. ‘சர்கார்’ படம் முடிந்து ரிலீஸுக்குத் தயாராக உள்ள இந்த இடைவெளியில், இளைப்பாறிக்கொண்டிருக்கும் விஜய், குழந்தையுடன் கொஞ்சும் காட்சிகள் வெளியாகியுள்ளன. சமூக வலைதளங்களில் வைரலாகிவரும் இந்த வீடியோவில், தன் மடியில் குழந்தையை வைத்துக்கொண்டு கொஞ்சுகிறார். இதை அவரின் ரசிகர்கள் பகிர்ந்துவருகின்றனர்.