பாரதீய ஜனதா தேசிய தலைவர் அமித் ஷா இன்று சனிக்கிழமை கேரள கம்யூனிஸ்ட்டு அரசை தாக்கி பேசினார். சபரிமலை விவகாரம் தொடர்பாக அண்மையில் அவரது முகநூலில் பக்தர்களுடன் அவரது கட்சி இருக்கிறது என்று கூறி இருந்தார்.
இந்த நிலையில் பாரதீய ஜனதா தேசிய தலைவர் அமித் ஷா இன்று கேரள மாநிலம் கண்ணூரில் பேரணியில் கலந்து கொண்டார். அப்போது அவர் கூறியதாவது;-

இன்று கேரளாவில் மத நம்பிக்கைகள் மற்றும் மாநில அரசாங்கத்தின் கொடுமை ஆகியவற்றிற்கு இடையே ஒரு போராட்டம் நடக்கிறது. பி.ஜே.பி., ஆர்எஸ்எஸ் மற்றும் பிற அமைப்புகளிடமிருந்து 2000 க்கும் மேற்பட்ட நிர்வாகிகள் மற்றும் தொண்டர்கள் கைது செய்யப்பட்டுள்ளனர். பா.ஜ.க. பக்தர்களுடன் ஒரு பாறை போல் நிற்கிறது, இடது கட்சி அரசை எச்சரிக்கிறோம். ஒரு விசுவாசமற்ற அரசாங்கம் ஒரு தீர்ப்பின் பெயரில் போதுமான மோசமான வேலைகளை செய்ய முயற்சிக்கிறது, “இப்போது வெள்ள நிவாரணத்திற்கு நிவாரணம் கொடுப்பதற்கு பதிலாக அரசாங்கம் அமைதியான பக்தர்களை கையாள்வதில் ஈடுபட்டு உள்ளது” .

சபரிமலையில் எப்படி பெண்களுக்கு அனுமதி இல்லையோ அதேபோல் இந்தியாவில் பல கோயில்களில் ஆண்களுக்கும் அனுமதி இல்லை. நீதிமன்ற தீர்ப்பை காட்டி வன்முறையை உருவாக்க முயல வேண்டாம். ஐயப்ப பக்தர்களின் நம்பிக்கையை மாநில அரசு புண்படுத்த நினைக்க கூடாது. பாஜக, பக்தர்களோடும் அவர்களது நம்பிக்கையோடும் துணை நிற்கும் என கூறினார்.