சர்வதேச பாட்மிண்டன் தரவரிசை யில் இந்திய வீராங்கனைகளான பி.வி.சிந்து, சாய்னா நெவால் ஆகியோர் தலா ஒரு இடம் பின்தங்கி உள்ளனர்.

சீனாவில் நடைபெற்ற ஆசிய சாம்பியன்ஷிப் தொடரில் கால் இறுதி வரை முன்னேறிய சிந்து, தரவரிசையில் 4-வது இடத்துக்கு தள்ளப்பட்டுள்ளார். அதேவேளை யில் ஆசிய சாம்பியன்ஷிப்பில் முதல் சுற்றுடன் வெளியேறிய சாய்னா ஒரு இடம் பின்தங்கி 9-வது இடத்தில் உள்ளார்.

ஆடவர் ஒற்றையர் பிரிவில் இந்தியாவின் அஜெய் ஜெயராம் 13-வது இடத்தை பிடித்துள்ளார். சிங்கப்பூர் சூப்பர் சீரிஸ் தொடரில் பட்டம் வென்ற சாய் பிரணீத் ஒரு இடம் முன்னேறி 22-வது இடத்தில் உள்ளார். காந்த் 26-வது இடத்தையும், ஷமீர் வர்மா 27-வது இடத்தையும் பிடித்துள்ளனர். பிரனோய் ஒரு இடம் பின் தங்கி 30-வது இடத்தில் உள்ளார்.