உலகின் முதன்மை பல்கலைகழகங்கள் பட்டியலின் முதல் 200 இடங்களில் ஐ.ஐ.டி. டில்லி, ஐ.ஐ.டி. பாம்பே, இந்தியன் இன்ஸ்ட்டியூட் ஆப் சயின்ஸ் (பெங்களூரு) இடம்பெற்றுள்ளன. முதல் 200 இடங்களில் இந்திய கல்வி நிறுவனங்கள் இடம்பெற்றிருப்பது இதுவே முதல்முறை என்பது குறிப்பிடத்தக்கது.
க்யூஎஸ் வேர்ல்ட் யூனிவர்சிட்டி ரேங்கிங் 2018 என்ற பெயரில், உலகின் முதன்மை கல்விநிறுவனங்களின் பட்டியல் வெளியிடப்பட்டுள்ளது.
சர்வதேச அளவில் கணக்கில் எடுத்துக்கொள்ளப்பட்ட 959 பல்கலைகழங்களில், 20 கல்விநிறுவனங்கள் இந்தியாவில் உள்ளன.
ஐ.ஐ.டி. (பாம்பே) 179வது இடத்திலும் (கடந்தாண்டு 219வது இடம்), ஐ.ஐ.டி (டில்லி) 172வது இடம் ( கடந்தாண்டு 185) ஐ.ஐ.எஸ்சி., (பெங்களூரு) 30 இடங்கள் பின்தங்கி 190வது இடத்தில் (கடந்தாண்டு 152) உள்ளது.
959 பல்கலைகழகங்களின் பட்டியலில், ஜாதவ்பூர் பல்கலைகழகம். ஐதராபாத் பல்கலைகழகம், சென்னை அண்ணா பல்கலைகழகம், மணிபால் பல்கலைகழகம், அலிகார் முஸ்லீம் பல்கலைகழகம், பிர்லா இன்ஸ்ட்டியூட் ஆப் டெக்னாலஜி ஆகியவை முதன்முறையாக இப்பட்டியலில் இணைந்துள்ளன