பிரதமர் மோடியின் புகைப்படத்தை தங்களது விளம்பரங்களில் பயன்படுத்தியதற்கு பேடிஎம், ஜியோ நிறுவனங்கள் மன்னிப்பு கோரின.

விளம்பரம்:

ரிலையன்ஸ் நிறுவனத்துக்கு சொந்தமான ‛ஜியோ’ நிறுவனமும், பேடிஎம் நிறுவனமும் தங்களுடைய நிறுவனங்களின் விளம்பரங்களுக்கு பிரதமர் மோடியின் படத்தை பயன்படுத்தினர். இதற்கு நாடு முழுவதும் பலத்த கண்டனங்கள் எழுந்தன.

நோட்டீஸ்:

பார்லி.,யிலும் இந்த பிரச்சனையை ஏதிர்கட்சிகள் எழுப்பின. இதனைத் தொடர்ந்து பேடிஎம் மற்றும் ஜியோ நிறுவனங்களுக்கு விளம்பரத்தில் பிரதமரின் படத்தை பயன்படுத்தியது குறித்து விளக்கம் கேட்டு மத்திய அரசு நோட்டீஸ் அனுப்பியது.

மன்னிப்பு:

இந்நிலையில், பிரதமர் மோடியின் புகைப்படத்தை தங்களது விளம்பரங்களில் பயன் படுத்தியதற்கு பேடிஎம், ஜியோ ஆகிய இரு நிறுவனங்களும் தற்போது மன்னிப்பு கோரியுள்ளன. இதனை நுகர்வோர் விவகாரத்துறை இணை அமைச்சர் சி.ஆர்.சவுத்ரி ராஜ்யசபாவில் தெரிவித்தார்.