பிரெஞ்சு ஓபன் டென்னிஸ் போட்டி யில் ஆடவர் ஒற்றையர் பிரிவில் 3-ம் நிலை வீரரான வாவ்ரிங்கா 2-வது சுற்றுக்கு முன்னேறினார்.

ஆண்டின் 2-வது கிராண்ட் ஸ்லாம் போட்டியான பிரெஞ்சு ஓபன் பாரிஸ் நகரில் நடைபெற்று வருகிறது. 3-வது நாளான நேற்று ஆடவர் ஒற்றையர் பிரிவு முதல் சுற்று ஆட்டத்தில் 8-ம் நிலை வீரரான ஜப்பானின் நிஷி கோரி, தகுதி நிலை வீரரான தானாசி கொக்கினாகிஸை எதிர்த்து விளையாடினார். இதில் நிஷி கோரி 4-6, 6-1, 6-4, 6-4 என்ற செட் கணக்கில் வெற்றி பெற்று 2-வது சுற்றுக்கு முன்னேறினார்.

3-ம் நிலை வீரரான சுவிட்சர் லாந்தின் வாவ்ரிங்கா, 6-2, 7-6, 6-3 என்ற நேர் செட்டில் 152-ம் நிலை வீர ரான சுலோவேக்கியாவின் ஜோசப் கோவிலக்கை வீழ்த்தினார். 29-ம் நிலை வீரரான அர்ஜென்டினாவின் ஜூவான் மார்ட்டின் டெல் போர்ட்டோ 6-2, 6-1, 6-4 என்ற நேர் செட்டில் சகநாட்டைச் சேர்ந்த 115-ம் நிலை வீரரான கைடோ பெல்லாவை தோற்கடித்தார்.

ரோம் மாஸ்டர்ஸ் போட்டியில் ஜோகோவிச்சை வீழ்த்தி பட்டம் வென்ற 19 வயதான இளம் வீரரான ஜெர்மனியின் அலெக்சாண்டர் ஜிவெரேவ் தனது முதல் சுற்றில் தோல்வியடைந்தார். 9-ம் நிலை வீரரான அவர் 4-6, 6-3, 4-6, 2-6 என்ற செட் கணக்கில் 37-ம் நிலை வீரரான ஸ்பெயினின் பெர்னாண்டோ வெர்டாஸ்கோ விடம் வீழ்ந்தார்.

மகளிர் ஒற்றையர் பிரிவில் 7-ம் நிலை வீராங்கனையான ஜோஹன்னா கோன்டா 6-1, 6-7, 4-6 என்ற செட்கணக்கில் போராடி 109-ம் நிலை வீராங்கனையான சீன தைபேவின் சூ-வெய் ஹெசியிடம் தோல்வியடைந்தார்.

5-ம் நிலை வீராங்கனையான உக்ரைனின் எலினா ஸ்விட்டோ லினா 6-4, 6-3 என்ற நேர் செட்டில் 45-ம் நிலை வீராங்கனையான கஜ கஸ்தானின் யரோஸ்லாவா ஷ்வே டோவாவை வீழ்த்தி 2-வது சுற்றுக்கு முன்னேறினார். மற்ற ஆட்டங்களில் பிரான்சின் அலிஸ் கார்நெட், பல் கேரியாவின் பைரன்கோவா, ருமே னியாவின் சொர்னா கிறிஸ்டியா ஆகியோர் வெற்றி பெற்றனர்.